ప్రజలు తరచుగా బ్రెయిన్ స్ట్రోక్కు ముందు కనిపించే సంకేతాలను (Signs that appear before a brain stroke)విస్మరిస్తారు. కానీ ఈ సంకేతాలు, సకాలంలో గుర్తించి చర్య తీసుకుంటే ప్రాణాలను రక్షించవచ్చు. స్ట్రోక్ అనేది మెదడుకు రక్తస్రావం నిలిచిపోవడం వల్ల కలిగే అత్యంత ప్రమాదకర స్థితి.స్ట్రోక్ వచ్చే సమయంలో మెదడులోని కణాలు ఆక్సిజన్ లేదా రక్త సరఫరా లేకపోవడం వల్ల దెబ్బతింటాయి. తక్షణ వైద్యసహాయం లేకపోతే, పక్షవాతం, మాటలు చెప్పలేకపోవడం, లేదా ప్రాణనష్టంకు అవకాశం ఉంటుంది.మహిళలు, వృద్ధులు, అధిక రక్తపోటు, షుగర్ (Blood pressure, sugar) ఉన్న వ్యక్తులు ఎక్కువగా ప్రమాదంలో ఉంటారు. డాక్టర్లు చెప్పినట్లు, స్ట్రోక్ ప్రారంభ సంకేతాలను గుర్తించటం ప్రాణాలను కాపాడే మొదటి అవకాశం.
ప్రారంభ లక్షణాలు
ముఖం వంకరగా మారడం: నవ్వినప్పుడు ఒక వైపు చిరునవ్వు సరిగ్గా కనిపించకపోవడం.
చేతులు, కాళ్లలో బలహీనత: అకస్మాత్తుగా శక్తి తగ్గడం లేదా తిమ్మిరి రావడం.
కళ్ళు మసకబారడం: దృష్టి మసకబడడం, ఒక కంటితో సరిగా చూడకపోవడం, రెండు ప్రతిబింబాలు కనిపించడం.
తల తిరగడం, నడకలో సమస్య: ఏ కారణం లేకుండా తల తిప్పుకోవడం, నిలబడలేకపోవడం, నడిచేటప్పుడు తూలిపోవడం.
లక్షణాలను సులభంగా గుర్తించే F.A.S.T పద్ధతి
F (Face – ముఖం): నవ్వినప్పుడు ముఖం వంకరగా ఉందా చూడండి.
A (Arm – చేయి): రెండు చేయులను పైకి లేపమని చెప్పండి. ఒక చేయి కిందపడితే జాగ్రత్త.
S (Speech – మాట): మాట్లాడినప్పుడు మాట సరిగా అర్థం అవుతుందా లేదా గమనించండి.
T (Time – సమయం): ఏ లక్షణం కనిపించినా వెంటనే ఆసుపత్రికి వెళ్లండి.
బ్రెయిన్ స్ట్రోక్ నివారణకు సూచనలు
రక్తపోటు, షుగర్ నియంత్రణ: ఇవి ప్రధాన కారణాలు.
మంచి అలవాట్లు: ధూమపానం, మద్యం మానుకోవడం; ఆహారం, వ్యాయామం క్రమం తప్పకుండా చేయడం.
సమయానికి నిద్ర: సరైన నిద్ర లేకపోవడం కూడా ప్రమాదం.
వైద్య పరీక్షలు: గుండె, కొలెస్ట్రాల్ తనిఖీ చేయించడం.
ముఖ్యమైన హెచ్చరిక
స్ట్రోక్ వచ్చినప్పుడు ప్రతి నిమిషం చాలా ముఖ్యం. త్వరగా చికిత్స ప్రారంభిస్తే ప్రాణాలను కాపాడే అవకాశం ఎక్కువగా ఉంటుంది.
గమనిక: ఈ అంశాలు కేవలం అవగాహన కోసం. వైద్య సమస్యలు ఉన్నవారికి నిపుణుల సలహా తప్పనిసరి.
Read Also :
