Brain Health: మన మానసిక ఆరోగ్యం జీవిత నాణ్యతను ప్రభావితం చేసే ముఖ్యమైన అంశాలలో ఒకటి.
ఆలోచనలు, నిర్ణయాలు, జ్ఞాపకశక్తి, ఏకాగ్రత, సమస్యలు పరిష్కరించే సామర్థ్యం ఇలా అన్నీ మెదడుతో ప్రత్యక్షంగా సంబంధం కలిగి ఉంటాయి.
అందువల్ల మన మెదడు ఆరోగ్యంగా పనిచేయాలంటే ప్రతి రోజు కొన్ని చిన్న కానీ శక్తివంతమైన అలవాట్లు తీసుకోవడం ఎంతో ముఖ్యం.
మానసిక ఆరోగ్యానికి సరైన నిద్ర, శక్తివంతమైన ఆహారం, శారీరక చురుకుదనం, మైండ్ఫుల్నెస్ సాధనలు, మానవ సంబంధాలు ఇవన్నీ కలిపి మెదడును ఆరోగ్యంగా, చురుకుగా ఉంచే ప్రాధాన్యమైన అంశాలు.
నిద్రతో జ్ఞాపకశక్తి మధ్య సంబంధం
ప్రతి రోజు కనీసం 7 నుండి 8 గంటల నాణ్యమైన నిద్ర అవసరం. ఎందుకంటే నిద్ర సమయంలోనే మెదడు రోజంతా మనం అనుభవించిన విషయాలను జ్ఞాపకాలుగా భద్రపరుస్తుంది.
నిద్ర లేకపోతే మన జ్ఞాపకశక్తి క్రమంగా తగ్గిపోతుంది.
ముఖ్యంగా ఉదయం లేవగానే క్లారిటీ లేకపోవడం, పనులపై దృష్టి కేంద్రీకరించలేకపోవడం, మానసిక అలసట. కాబట్టి మెదడు ఆరోగ్యానికి మొదటి మెట్టు నిద్ర అని చెప్పవచ్చు.
మెదడుకు పోషక ఆహారం ఎంత ముఖ్యమో తెలుసుకోండి
ఒమేగా 3 ఫ్యాటీ ఆమ్లాలు, యాంటీ ఆక్సిడెంట్లు, విటమిన్ బి, విటమిన్ ఈ వంటి పోషకాలు మెదడుకు బలాన్ని ఇస్తాయి.
సాల్మన్, మాకెరల్ వంటి చేపలు, బాదం, వాల్నట్స్, అవోకాడో, బ్లూబెర్రీస్, గంధక ధరించే తృణధాన్యాలు ఇవన్నీ మెదడు పనితీరును మెరుగుపరుస్తాయి.
ఈ ఆహార పదార్థాలు మెదడులోని నాడీ కణాల నాశనాన్ని నిరోధిస్తాయి.
అలాగే గ్రీన్ టీ, కోకో వంటి పానీయాలు కూడా మంచి యాంటీఆక్సిడెంట్ గుణాలు కలిగి ఉండటంతో మెదడు స్పందనను వేగవంతం చేస్తాయి.
వ్యాయామం వల్ల మెదడుకు వచ్చే లాభాలు
ప్రతి రోజు కనీసం 30 నిమిషాలు వేగంగా నడక లేదా యోగ, స్వల్ప జిమ్ వ్యాయామాలు చేయడం మెదడుకు రక్త ప్రసరణను పెంచుతుంది.
ఇది ఏకాగ్రతను పెంచి, మానసిక స్పష్టతను అందిస్తుంది. ముఖ్యంగా కార్డియో వ్యాయామం మెదడులో కొత్త నాడీకణాల ఏర్పాటుకు దోహదపడుతుంది.
ఇది ఏకాగ్రతను పెంచడంతో పాటు మానసిక స్పష్టతను కూడా అందిస్తుంది. దాంతో పనులపై మన దృష్టి మరింత కేంద్రీకరించబడుతుంది.
మైండ్ఫుల్నెస్ సాధనలతో మెదడు ప్రశాంతం
మనస్సులో ఒత్తిడి ఎక్కువగా ఉండటం వల్ల జ్ఞాపకాలు గుర్తుంచుకునే సామర్థ్యం తగ్గిపోతుంది.
ఆ కారణంగా సంగీతం వినడం, ప్రకృతిలో కొంత సమయం గడపడం లేదా హాబీలను పెంచుకోవడం వంటి పనులు మన మెదడుకు శాంతినిస్తాయి.
ఈ అలవాట్లు మన మానసిక ఉల్లాసాన్ని కాపాడతాయి. దీర్ఘ శ్వాస, ధ్యానం, ప్రాణాయామం వంటి మైండ్ఫుల్నెస్ పద్ధతులు మనస్సుపై ఒత్తిడిని తగ్గించడంతోపాటు మెదడు పనితీరును మెరుగుపరుస్తాయి.
ఇవి ఏకాగ్రతను పెంచే శక్తివంతమైన సాధనాలు.
ఇతరులతో మానవ సంబంధాలు మెదడుకు వ్యాయామమే
ఇతరులతో కలిసి ఉండటం, మాట్లాడటం, ఆలోచనలు పంచుకోవడం వంటివి మెదడుకు మంచి వ్యాయామం లాంటివే.
స్నేహితులు, కుటుంబ సభ్యులతో కలివిడిగా ఉండటం, చురుకైన సంభాషణల్లో పాల్గొనడం ద్వారా ఆలోచనా సామర్థ్యం పెరుగుతుంది. ఇది జ్ఞాపకశక్తి తగ్గడాన్ని దూరం చేస్తుంది.
ఓ చిన్న మార్పే పెద్ద తేడాను తీసుకురాగలదు
ఇవన్నీ చూసిన తర్వాత మనకు స్పష్టంగా అర్థమయ్యే విషయం ఏంటంటే, జ్ఞాపకశక్తి మెరుగవ్వాలంటే పెద్ద ప్రయాస అవసరం లేదు.
నిత్యం పాటించగలిగే చిన్న అలవాట్లు సరైన నిద్ర, ఆరోగ్యకరమైన ఆహారం, వ్యాయామం, మానసిక ప్రశాంతత మరియు మంచి మానవ సంబంధాలు.
ఈ అయిదు కలిస్తే మన మెదడు చురుకుగా, ఆరోగ్యంగా పని చేస్తుంది.
