వేగంగా అభివృద్ధి చెందుతున్న రాష్ట్రాల్లో ఒకటైన ఆంధ్రప్రదేశ్లో కొత్తగా 9 విమానాశ్రయాల నిర్మాణానికి రాష్ట్ర ప్రభుత్వం ప్రణాళికలు సిద్ధం చేసింది. నగరాల మధ్య రవాణా సౌకర్యాలను మెరుగుపరచడం ప్రధాన లక్ష్యంగా రూ.6,417 కోట్ల వ్యయంతో ఈ ప్రాజెక్టులను రూపకల్పన చేశారు. ప్రస్తుతం రాష్ట్రంలో విజయవాడ, విశాఖపట్నం, రాజమహేంద్రవరం, తిరుపతి, కర్నూలు, కడపలో విమానాశ్రయాలు కార్యకలాపాలు నిర్వహిస్తున్నాయి. అదనంగా విజయనగరం జిల్లాలోని భోగాపురంలో అంతర్జాతీయ విమానాశ్రయం పనులు ముగింపు దశకు చేరుకున్నాయి. పెరుగుతున్న ప్రయాణికుల రద్దీ, పారిశ్రామికాభివృద్ధి దృష్ట్యా మరిన్ని విమానాశ్రయాలు అవసరమని ప్రభుత్వం భావిస్తోంది. ఈ ప్రణాళికల ద్వారా జిల్లాల మధ్య వేగవంతమైన అనుసంధానం సాధ్యమవుతుందని అంచనా వేస్తున్నారు.
Read also: Urban development : పట్టణ అభివృద్ధికి ప్రజల గ్రీన్ సిగ్నల్
Plans for new airports in AP
జిల్లాల వారీగా కొత్త విమానాశ్రయాల ప్రతిపాదనలు
నెల్లూరు జిల్లా దగదర్తి సమీపంలో విమానాశ్రయ నిర్మాణానికి భూసేకరణ కొనసాగుతోంది. సుమారు రూ.916 కోట్లతో పీపీపీ విధానంలో ఈ ప్రాజెక్టు చేపట్టేందుకు టెండర్ ప్రక్రియ ప్రారంభ దశలో ఉంది. చిత్తూరు జిల్లా కుప్పంలో 444 ఎకరాల భూమిపై రూ.1,142 కోట్లతో విమానాశ్రయం నిర్మాణానికి ప్రణాళిక సిద్ధమైంది. రాజధాని అమరావతి ప్రాంతంలో రూ.వెయ్యి కోట్లతో, శ్రీకాకుళంలో రూ.650 కోట్లతో విమానాశ్రయాల కోసం సవివర ప్రాజెక్టు నివేదికలు తయారవుతున్నాయి. కాకినాడ జిల్లా తుని-అన్నవరం, పశ్చిమ గోదావరి జిల్లా తాడేపల్లిగూడెం, పల్నాడు జిల్లా నాగార్జున సాగర్, ప్రకాశం జిల్లా ఒంగోలు, అనంతపురం జిల్లాల్లో కూడా డీపీఆర్ దశలో పనులు కొనసాగుతున్నాయి. ఈ ప్రతిపాదనలు అమలులోకి వస్తే రాష్ట్రవ్యాప్తంగా సమతుల్య అభివృద్ధికి దోహదపడతాయని అధికారులు చెబుతున్నారు.
పరిశ్రమలు, సరకు రవాణాకు ఊతమిచ్చే అడుగు
రాష్ట్రంలో విమాన ప్రయాణికుల సంఖ్య క్రమంగా పెరుగుతోంది. విదేశాలకు వెళ్లే వారి సంఖ్య కూడా అధికంగా ఉండటంతో అంతర్జాతీయ అనుసంధానం అవసరం పెరిగింది. పరిశ్రమలు జిల్లాల వారీగా విస్తరిస్తుండటంతో సరకు రవాణాకు వేగవంతమైన మార్గాలు అవసరమవుతున్నాయి. విశాఖపట్నం-చెన్నై పారిశ్రామిక కారిడార్తో పాటు హైదరాబాద్-బెంగళూరు, చెన్నై-బెంగళూరు కారిడార్లు అభివృద్ధి దశలో ఉన్నాయి. ఈ మార్గాల ద్వారా పెట్టుబడులు పెరిగి ఉపాధి అవకాశాలు విస్తరించే అవకాశం ఉంది. కొత్త విమానాశ్రయాలు ప్రారంభమైతే ప్రయాణికుల రాకపోకలతో పాటు సరుకు రవాణా కూడా సులభతరం అవుతుంది.
Read hindi news: hindi.vaartha.com
Epaper: epaper.vaartha.com
Read Also:
