అమెరికా అధ్యక్షుడిగా డొనాల్డ్ ట్రంప్ బాధ్యతలు చేపట్టిన తర్వాత ఆ దేశంలో అన్ని రూల్స్ మారిపోతున్నాయి. గత ప్రభుత్వం తీసుకున్న నిర్ణయాలను సమీక్షిస్తున్న ట్రంప్ సర్కార్.. మరింత కఠినం చేస్తున్నాయి. ఈ నేపథ్యంలోనే అమెరికా వీసాలకు సంబంధించి డ్రాప్ బాక్స్ రూల్స్‌ను మరింత కఠినం చేస్తూ నిర్ణయం తీసుకుంది. అయితే దీనిపై ఎలాంటి అధికారిక ప్రకటన వెలువరించకపోయినప్పటికీ.. వీసా అప్లికేషన్ సెంటర్‌లలో కొత్త రూల్స్‌ను అమల్లోకి తీసుకువచ్చినట్లు మీడియా కథనాలు చెబుతున్నాయి. దీంతో ఇప్పటినుంచి హెచ్-1బీ, టూరిస్ట్ వీసాలు కలిగి ఉన్నవారు తమ వీసాలను రెన్యువల్ చేసుకునేందుకు ఎక్కువ రోజులు వేచి ఉండాల్సిన పరిస్థితి నెలకొంది.
డ్రాప్‌బాక్స్‌ నిబంధనలను కఠినతరం
వీసాల పునరుద్ధరణ కోసం అమెరికా తీసుకువచ్చిన డ్రాప్‌బాక్స్‌ నిబంధనలను కఠినతరం చేసినట్లు తెలుస్తోంది. గతంలో వీసా గడువు ముగిసిన తర్వాత 48 నెలల వరకు ఇంటర్వ్యూలు లేకుండా రెన్యువల్ చేసుకునే అవకాశం ఉండగా.. ఇప్పుడు దాన్ని 12 నెలలకు తగ్గించారు. అంటే హెచ్ 1బీ, టూరిస్ట్ వీసా గడువు ముగిసిన వారు 12 నెలల లోపు రెన్యువల్ చేయించుకోకపోతే.. ఆ తర్వాత మళ్లీ ఇంటర్వ్యూకు హాజరు కావాల్సి ఉంటుంది. గతంలో వీసా గడువు దాటి 48 నెలలలోపు మళ్లీ రెన్యువల్ చేసుకునేందుకు డ్రాప్‌బాక్స్‌ విధానంలో దరఖాస్తు చేసుకునే వీలు ఉండేది. వారికి ఎలాంటి ఇంటర్వ్యూలు నిర్వహించేవారు కాదు. తాజా నిబంధనలతో వీసా గడువు ముగిసి 12 నెలల్లోపు వారికి మాత్రమే డ్రాప్‌బాక్స్‌ పద్దతిలో రెన్యువల్ చేసుకునే అనుమతి ఇచ్చారు.
కొత్త నిబంధనలు
అధికారికంగా ఈ నిబంధనలను వెల్లడించకపోయినా.. వెంటనే వీటిని అమల్లోకి తీసుకువచ్చినట్లు తెలుస్తోంది. ఈ వీసా రెన్యూవల్‌కు సంబంధించిన కొత్త నిబంధనలను ఇప్పటికే వీసా అప్లికేషన్ కేంద్రాల్లో అమలు చేస్తున్నట్లు తెలుస్తోంది. తాజాగా తీసుకువచ్చిన రూల్స్‌తో హెచ్-1బీ వీసాలతోపాటు బీ1, బీ2 వంటి నాన్‌ఇమిగ్రెంట్‌ వీసాదారుల అప్లికేషన్లపైనా తీవ్ర ప్రభావం పడనున్నట్లు సంబంధిత వర్గాలు చెబుతున్నాయి. ఇలాంటి వీసాదారులు తమ వీసాలను రెన్యువల్ చేసుకోవడానికి ఇప్పుడు సుదీర్ఘకాలం వేచి చూడాల్సిన పరిస్థితి నెలకొంది.
మళ్లీ పాత పద్ధతిలోనే వీసా రెన్యూవల్
నిజానికి కరోనా మహమ్మారి వెలుగుచూడక ముందు ఈ 12 నెలల నిబంధన ఉండేది. కరోనా తర్వాత వీసా మంజూరు, రెన్యువల్‌కు పడుతున్న సమయాన్ని దృష్టిలో ఉంచుకుని 2022లో అప్పటి జో బైడెన్ సర్కార్ ఈ డ్రాప్‌బాక్స్‌ విధానాన్ని అమల్లోకి తీసుకువచ్చింది. తాజాగా అధికారంలోకి వచ్చిన డొనాల్డ్ ట్రంప్.. మళ్లీ పాత పద్ధతిలోనే వీసా రెన్యూవల్ చేయాలని నిర్ణయించారు.
అపాయింట్‌మెంట్ల కోసం నిరీక్షణ
ఈ నిర్ణయంతో భారతీయులపైనే అధిక ప్రభావం పడుతుందని సంబంధిత వర్గాలు పేర్కొంటున్నాయి. ఈ నేపథ్యంలోనే హెచ్ 1బీ, టూరిస్ట్ వీసాలు కలిగిన భారతీయులు.. వాటిని రెన్యువల్ చేసుకోవడం మరింత ఆలస్యం కానుంది. ఇప్పటికే ఢిల్లీ, ముంబై నగరాల్లో బీ1, బీ2 వంటి వీసా దరఖాస్తుదారులు ఇంటర్వ్యూ అపాయింట్‌మెంట్ల కోసం 440 రోజులకు పైగా వేచిచూస్తున్నారు. తాజా నిర్ణయంతో అది మరింత ఎక్కువ కానుందనే భయాలు నెలకొన్నాయి.
Ilaiyaraaja : ఇళయరాజాకు అభినందనలు తెలిపిన ప్రధాని మోదీ ఇటీవల లండన్‌లో చారిత్రాత్మకంగా 'వాలియెంట్' సింఫనీ ప్రదర్శించిన ప్రముఖ సంగీత దర్శకుడు ఇళయరాజా, నేడు దేశ ప్రధాని Read more
Raja Singh : వక్ఫ్ బోర్డు బిల్లుకు మద్దతు తెలపాలని రాజాసింగ్ విజ్ఞప్తి ఆంధ్రప్రదేశ్ ముఖ్యమంత్రి నారా చంద్రబాబు నాయుడు, బీహార్ సీఎం నితీశ్ కుమార్ లకు Read more
లోక్‌సభలో ప్రతిపక్ష నేత, రాయ్‌బరేలీ ఎంపీ రాహుల్‌గాంధీపై వేసిన పరువు నష్టం కేసును ప్రత్యేక కోర్టు మంగళవారం విచారించింది. గాంధీ తరపు న్యాయవాది కాశీ ప్రసాద్ శుక్లా Read more
అమెరికా అధ్యక్షుడిగా రెండోసారి బాధ్యతలు స్వీకరించిన డొనాల్డ్ ట్రంప్, వలసదారుల విషయంలో మరింత కఠిన చర్యలు తీసుకుంటున్నారు.అక్రమ వలసదారులపై ఇప్పటికే కఠిన చర్యలుట్రంప్ ప్రభుత్వం దేశంలో అక్రమంగా Read more