Operation Sindoor : విదేశాలకు ఎంపీల బృందాలు!

పహల్గామ్ ఉగ్రదాడి అనంతరం ప్రారంభించిన ఆపరేషన్ సిందూర్ (Operation Sindoor) పై అంతర్జాతీయంగా అవగాహన కల్పించే దిశగా కేంద్ర ప్రభుత్వం (Central Govt) కీలక నిర్ణయం తీసుకున్నట్లు సమాచారం. ఉగ్రవాదంపై భారత్ తీసుకుంటున్న చర్యలు, పాక్ ప్రేరేపిత సంస్థల నుంచి వస్తున్న ముప్పు గురించి వివరణ ఇవ్వడానికి అఖిలపక్ష పార్లమెంటరీ బృందాలను విదేశాలకు పంపేందుకు సిద్ధమవుతున్నారు. ఈ బృందాలు వివిధ దేశాల ప్రభుత్వాలతో భేటీ అయ్యి, భారతదేశ భద్రతా పరిస్థితులపై అవగాహన కల్పించనున్నాయి.

ఎంపీ బృందాల పర్యటన

ఈ ఎంపీ బృందాలు ఉగ్రవాదానికి వ్యతిరేకంగా భారత్ చేపడుతున్న పోరాటం, ఆపరేషన్ సిందూర్ లక్ష్యాలపై స్పష్టతనిచ్చేలా పనిచేయనున్నాయి. ముఖ్యంగా పాక్ కేంద్రంగా కార్యకలాపాలు కొనసాగిస్తున్న ఉగ్రవాద గ్రూపుల ధ్వంసం కోసం చేపట్టిన ఈ ఆపరేషన్‌ను అంతర్జాతీయంగా సమర్థించాల్సిన అవసరం ఉందని కేంద్రం భావిస్తోంది. ఇదే సమయంలో, ఆయా దేశాలు ఉగ్రవాద నిర్మూలనలో భారత్‌కు సహకారం అందించాలన్న ఉద్దేశంతో ఈ దౌత్య యాత్రలు జరగనున్నాయి.

భవిష్యత్తులో ఉగ్రదాడులను అరికట్టేందుకు అంతర్జాతీయ మద్దతు

ఈ చర్యల ద్వారా ఉగ్రవాదంపై భారత స్థానం, దృఢత ప్రపంచ దేశాలకూ స్పష్టమవుతుంది. అంతేకాకుండా, ఉగ్రవాద సంస్థలకు సంబంధించిన సమాచారం పంచుకునే అవకాశాన్ని భారత్ వినియోగించుకోనుంది. ఈ ప్రయత్నం ద్వారానే, భవిష్యత్తులో ఉగ్రదాడులను అరికట్టేందుకు అంతర్జాతీయ మద్దతు పెరిగే అవకాశం ఉంది. కేంద్రం తీసుకున్న ఈ నిర్ణయం భద్రతాపరంగా ఒక దిశానిర్దేశక చర్యగా భావించబడుతోంది.