హిమాచల్ ప్రదేశ్(Himachal Pradesh)లోని సోలన్ జిల్లా(Solan District) సబుతు కంటోన్మెంట్ సమీపంలోని ఓల్గి గ్రామంలో బుధవారం ఈ విషాదం చోటు చేసుకుంది. ఇటీవల ఓ 20 ఏళ్ల యువతి ప్రేమించిన వ్యక్తి ఆత్మహత్య చేసుకున్నాడు. వారి పెళ్లికి కుటుంబ సభ్యులు ఒప్పుకోకపోవడంతోనే అతడు ప్రాణాలు తీసుకున్నాడు. ప్రియుడి మరణం తర్వాత తీవ్ర నిరాశలో ఉన్న ఆ యువతి, తాను కూడా ఆత్మహత్య చేసుకోవాలని నిర్ణయించుకుంది. అనంతరం బుధవారం తన ఇంట్లో ఎవరూ లేని సమయంలో ఉరి వేసుకుని ఆత్మహత్యకు పాల్పడింది. ఫేస్బుక్లో లైవ్ వీడియో(Face book Live Vedio) చేసి, అందరి కళ్లముందే తన ప్రాణాలు తీసుకుంది. ఈ ఘటనతో స్థానికంగా విషాద ఛాయలు అలుముకున్నాయి.
యువతి గదిలో లభించిన ఒక సూసైడ్ నోట్ గుండెను పిండేస్తోంది. “మా కుటుంబ సభ్యులు నేను ప్రేమించిన వ్యక్తితో పెళ్లి చేయడానికి ఒప్పుకోలేదు. అందుకే అతడు చనిపోయాడు. అతడి చావుకు నేనే కారణం. అందుకే నేను కూడా చనిపోతున్నాను. నా చావుకు ఎవరూ కారణం కాదు. ఎవరినీ నిందించవద్దు.” అని నోట్లో రాసింది.
వీడియో సోషల్ మీడియాలో వైరల్
యువతి ఆత్మహత్య చేసుకునే సమయంలో ఇంట్లో ఎవరూ లేరు. కుటుంబ సభ్యులు దగ్గరలోని మార్కెట్కు వెళ్లారు. ఆమె ఫేస్బుక్ లైవ్ వీడియో సోషల్ మీడియాలో వైరల్ అయింది. ఆ వీడియో చూసిన కొందరు సబుతు మార్కెట్లోని వ్యాపారులకు సమాచారం అందించారు. వారు వెంటనే ఆమె తల్లి, సోదరుడికి ఈ విషయం చెప్పారు. వారు ఇంటికి తిరిగి వచ్చేసరికి యువతి ప్రాణాలు కోల్పోయింది. ప్రస్తుతం, పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు.
ఆత్మహత్య పరిష్కారం కాదు
అన్ని సమస్యలకు ఆత్మహత్య పరిష్కారం కాదు. సమస్యలు తాత్కాలికమే, కానీ జీవితం విలువైనది. జీవితంలో ఎదురయ్యే సవాళ్లను ధైర్యంగా ఎదుర్కోవాలి. చాలా మంది ఇలాంటి పరిస్థితుల్లో తమ సమస్యలను ఎవరితో పంచుకోవాలో తెలియక, లేదా సహాయం అడగడానికి భయపడి ఒంటరిగా బాధపడుతుంటారు. అలాంటప్పుడు మీకు దగ్గరి స్నేహితులు, కుటుంబ సభ్యులతో మీ బాధను పంచుకోండి.
Read Also: Japan: ట్విట్టర్ కిల్లర్కు మరణశిక్ష అమలు
