ఆంధ్రప్రదేశ్ ప్రభుత్వం మహిళలకు ఉచిత బస్సు ప్రయాణం కల్పించే విషయంపై వైసీపీ, టీడీపీ నేతలు పరస్పర విమర్శలు చేసుకుంటున్నారు. అసెంబ్లీ ఎన్నికల ముందు టీడీపీ అధినేత చంద్రబాబు నాయుడు ఇచ్చిన హామీకి విరుద్ధంగా, ఇప్పుడు ప్రభుత్వం నిబంధనలు విధిస్తోందని వైసీపీ నేతలు విమర్శిస్తున్నారు. అయితే, టీడీపీ నేతలు దీనిపై కౌంటర్ ఇస్తూ అసలు హామీ ఇదేనని, ఎలాంటి మార్పు లేదని స్పష్టం చేశారు.
వైసీపీ నేతల ఆరోపణలు
ఎన్నికల సమయంలో చంద్రబాబు మహిళలకు రాష్ట్రవ్యాప్తంగా ఉచిత బస్సు ప్రయాణం కల్పిస్తామని హామీ ఇచ్చారని, ఇప్పుడు జిల్లా పరిమితుల్లో మాత్రమే ఉచిత ప్రయాణం అంటూ వెనక్కి తగ్గారని వైసీపీ నేతలు ఆరోపిస్తున్నారు. ఇదే అంశాన్ని శాసనమండలిలో వైసీపీ ఎమ్మెల్సీలు ప్రస్తావించారు. మహిళలకు పూర్తిస్థాయి ప్రయోజనం కల్పించకుండా, నియమాలు విధించడం ప్రజలను మోసం చేసినట్లేనని విమర్శించారు.
టీడీపీ నేతల కౌంటర్
వైసీపీ విమర్శలపై టీడీపీ నేతలు దాడికి దిగారు. మొదటి నుంచీ చంద్రబాబు, నారా లోకేశ్‌లు జిల్లాలో ఉచిత బస్సు ప్రయాణం హామీ ఇచ్చారనీ, ఇప్పుడు అదే అమలు అవుతోందని స్పష్టం చేశారు. ఎన్నికల ప్రచారంలో చంద్రబాబు మాట్లాడుతూ ‘జిల్లాలో ఎక్కడి నుంచి ఎక్కడికైనా మహిళలు ఉచితంగా ప్రయాణించవచ్చు’ అని చెప్పిన వీడియోను వైసీపీ నేతలకు గుర్తు చేశారు. మహిళలకు మేలు జరిగితే జగన్ ఓర్చుకోలేక ఇలాంటి ఆరోపణలు చేస్తున్నాడు అని టీడీపీ నేతలు విమర్శించారు. తాము ఇచ్చిన హామీ ప్రకారమే ఇప్పుడు ప్రభుత్వం ఉచిత బస్సు ప్రయాణ పథకాన్ని అమలు చేస్తోందని టీడీపీ నేతలు స్పష్టం చేశారు. ఈ విషయంపై ఆంధ్రప్రదేశ్ మంత్రి గుమ్మడి సుధారాణి స్పష్టతనిచ్చారు. “ఉచిత బస్సు ప్రయాణ పథకం కింద జిల్లాలో మహిళలు ఉచితంగా ప్రయాణించవచ్చు. కానీ, ఒక జిల్లాలో నుంచి మరో జిల్లాకు వెళ్లాలనుకుంటే టికెట్ కొనుగోలు చేయాల్సి ఉంటుంది అని తెలిపారు. మహిళలకు ఉచిత బస్సు ప్రయాణం కల్పించే అంశం ఆంధ్రప్రదేశ్ లో చర్చనీయాంశంగా మారింది. కొందరు మహిళలు జిల్లాలో ప్రయాణ సౌకర్యం కల్పించడం చాలా మంచిదని భావిస్తున్నారు. అయితే, మరికొందరు హామీ పూర్తిగా అమలు చేయలేదని అసంతృప్తి వ్యక్తం చేస్తున్నారు. మహిళల ఉచిత బస్సు ప్రయాణం ఎవరికి మేలు, ఎవరికి నష్టం అనే అంశంపై టీడీపీ-వైసీపీ నేతలు పరస్పరం విమర్శలు చేసుకుంటున్నారు. అసలు హామీ ఏమిటి? దాన్ని ప్రభుత్వం ఎంతవరకు అమలు చేస్తోంది? అనే ప్రశ్నలు ప్రజల్లో చర్చనీయాంశమయ్యాయి. అధికార, విపక్ష పార్టీల మధ్య ఈ మాటల యుద్ధం కొనసాగుతూనే ఉంది.
ఏపీలో వైసీపీ ప్రభుత్వంలో సీఐడీ ఛీఫ్ గా పనిచేసిన పీవీ సునీల్ కుమార్ ను కూటమి ప్రభుత్వం తాజాగా సస్పెండ్ చేసింది. ప్రభుత్వానికి సమాచారం ఇవ్వకుండా విదేశీ Read more
మాజీ మంత్రి మల్లారెడ్డి, బీఆర్ఎస్ నేత తీగల కృష్ణారెడ్డిలు ఈరోజు ఏపీ సీఎం చంద్రబాబును కలిశారు. ఈ సందర్బంగా తీగల..తాను టిడిపిలో చేరబోతున్నట్లు తెలిపాడు. సోమవారం జూబ్లీహిల్స్ Read more
హైదరాబాద్‌: మంత్రి కొండా సురేఖ బీజేపీ పై విమర్శలు గుప్పించారు. విభజించి పాలించే మనస్తత్వం బీజేపీదని.. అది ఓ మతతత్వ పార్టీ కొండా సురేఖ ఘాటు వ్యాఖ్యలు Read more
భూకంపం తీవ్రత 7.2మయన్మార్‌లో ఈ రోజు సంభవించిన భూకంపం, రిక్టర్ స్కేల్‌పై 7.2 తీవ్రతను నమోదు చేసింది. నేషనల్ సెంటర్ ఫర్ సెస్మాలజీ ప్రకటన ప్రకారం, ఈ Read more