బంగ్లాదేశ్ రాజధాని ఢాకాలో సోమవారం ఓ విషాదకర ఘటన చోటుచేసుకుంది. ట్రైనింగ్ కోసం ఎగిరిన F-7 ఫైటర్ జెట్ (Bangladesh F-7 Tragedy) అప్రతిష్టితంగా కుప్పకూలింది. ఈ ఘటన ఢాకాలోని ఓ కాలేజీ ప్రాంగణంలో చోటుచేసుకోవడంతో ఒక్కసారిగా విద్యార్థులు భయంతో పరుగులు తీశారు. విమానం నేలతాకిన వెంటనే మంటలు వ్యాపించాయి. స్థానికులు మరియు కాలేజీ సిబ్బంది తీవ్ర ఆందోళనకు గురయ్యారు.
ఒకరు మృతి, పలువురు గాయాలు
ఈ విమాన ప్రమాదంలో ఒకరు అక్కడికక్కడే మృతి చెందారు. మరోవైపు పలువురు గాయపడినట్టు తెలుస్తోంది. గాయపడినవారిని స్థానిక ఆసుపత్రికి తరలించి చికిత్స అందిస్తున్నారు. ఇప్పటివరకు మృతుడి వివరాలు అధికారికంగా వెల్లడించలేదు. ప్రమాదం జరిగిన వెంటనే రంగంలోకి దిగిన ఫైర్ సిబ్బంది మంటలను అదుపులోకి తెచ్చారు. ఘటనాస్థలంలో సహాయక చర్యలు ఇంకా కొనసాగుతున్నాయి.
పూర్తి వివరాలు తెలియాల్సి ఉంది
ఈ ప్రమాదానికి గల కారణాలు ఇంకా స్పష్టంగా తెలియరాలేదు. వాయుసేన అధికారులు, రెస్క్యూ బృందాలు ఘటనా స్థలానికి చేరుకుని విచారణ ప్రారంభించాయి. ఫైటర్ జెట్ లో సాంకేతిక లోపమా? లేక మానవ తప్పిదమా? అనే కోణాల్లో దర్యాప్తు జరుగుతోంది. ప్రమాద స్థలానికి చేరిన ప్రజలు, మీడియా, అధికారులు షాక్కు గురయ్యారు. మరిన్ని వివరాలు అధికారికంగా వెల్లడించాల్సి ఉంది.
Read Also : Lok Sabha : లోక్సభలో కొనసాగుతున్న వాయిదాల పర్వం
