Nayanthara political entry: తమిళ సినీ వర్గాల్లోనూ, సోషల్ మీడియాలోనూ గడిచిన కొన్ని రోజులుగా నటి నయనతార రాజకీయ ప్రవేశంపై జోరుగా ఊహాగానాలు సాగుతున్నాయి. అయితే ఈ ప్రచారానికి ఆమె భర్త, దర్శకుడు విఘ్నేశ్ శివన్ తెరదించారు. ప్రస్తుతం తమ ప్రాధాన్యత అంతా కుటుంబం, పిల్లల పెంపకం, సినిమాలపైనే ఉందని ఆయన స్పష్టం చేశారు. ఈ జీవితంతో తాము ఎంతో సంతృప్తిగా ఉన్నామని పేర్కొంటూ, రాజకీయ ప్రవేశ వార్తలను ఆయన పరోక్షంగా ఖండించారు.
Nayanthara political entry: 2031 ఎన్నికల లక్ష్యంగా ప్రచారం
తమిళనాడు రాజకీయాల్లో నటుడు విజయ్ సొంత పార్టీ పెట్టి క్రియాశీలకంగా మారిన నేపథ్యంలో, నయనతార, త్రిష వంటి ప్రముఖ నటీమణులు కూడా రాజకీయ తీర్థం పుచ్చుకుంటారనే వార్తలు విపరీతంగా ప్రచారమయ్యాయి. ముఖ్యంగా రాబోయే 2031 అసెంబ్లీ ఎన్నికల నాటికి నయనతార రాజకీయాల్లో కీలక పాత్ర పోషిస్తారని కొందరు అంచనా వేశారు. అయితే విఘ్నేశ్ శివన్ ఇచ్చిన స్పష్టతతో ఈ పుకార్లన్నీ నిరాధారమైనవని తేలిపోయింది.
వరుస సినిమాలతో బిజీగా ఉన్న ‘లేడీ సూపర్ స్టార్’
ప్రస్తుతం నయనతార పొలిటికల్ ఎంట్రీకి ఏమాత్రం ఆలోచన చేయకుండా తన సినీ కెరీర్‌పైనే పూర్తి దృష్టి సారించారు. ఆమె ప్రధాన పాత్రల్లో నటిస్తున్న ‘మూక్కుత్తి అమ్మన్ 2’, ‘డియర్ స్టూడెంట్స్’, ‘రక్కాయి’ వంటి పలు భారీ చిత్రాలు షూటింగ్ మరియు నిర్మాణ దశల్లో ఉన్నాయి. తమిళనాట ఎంజీఆర్, జయలలిత వంటి తారలు రాజకీయంలో సంచలనాలు సృష్టించిన చరిత్ర ఉన్నప్పటికీ, నయనతార మాత్రం ప్రస్తుతం తన పూర్తి సమయాన్ని నటనకే కేటాయిస్తున్నారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
