Surgery for NTR : యంగ్ టైగర్ జూనియర్ ఎన్టీఆర్ రేపు హైదరాబాద్‌లోని కిమ్స్ హాస్పిటల్స్ (KIMS) లో భుజానికి సంబంధించి శస్త్రచికిత్స చేయించుకోనున్నారు. ఇటీవల ఆయన నటిస్తున్న నూతన చిత్రం ‘డ్రాగన్’ షూటింగ్ సమయంలో ఒక యాక్షన్ సన్నివేశంలో ఎన్టీఆర్ భుజానికి గాయమైంది. ఈ విషయాన్ని ఎన్టీఆర్ అధికారిక పిఆర్వో కార్యాలయం ఒక ప్రకటన ద్వారా ధ్రువీకరించింది. వైద్యుల నిపుణుల బృందం ఇచ్చిన సలహా మేరకు రేపు ఉదయం ఆయనకు సర్జరీ జరగనుందని, అభిమానులు ఆందోళన చెందాల్సిన అవసరం లేదని తెలియజేశారు. సర్జరీకి సంబంధించిన ఆరోగ్య పరిస్థితులను ఎప్పటికప్పుడు హెల్త్ బులిటెన్ ద్వారా అప్‌డేట్ చేస్తామని ప్రతినిధులు వెల్లడించారు.
Read Also : నటుడు కృష్ణశ్వరరావు కన్నుమూత
6 నుండి 8 వారాల విశ్రాంతి: నిలిచిపోనున్న ‘డ్రాగన్’ చిత్రీకరణ
శస్త్రచికిత్స అనంతరం జూనియర్ ఎన్టీఆర్ పూర్తి కోలుకోవడానికి సుమారు 6 నుండి 8 వారాల పాటు విశ్రాంతి తీసుకోవాలని వైద్యులు సూచించినట్లు సినీ వర్గాల సమాచారం. దీంతో ‘డ్రాగన్’ చిత్రంతో పాటు ఆయన ఒప్పందం చేసుకున్న ఇతర ప్రాజెక్ట్‌ల షూటింగ్ సమయాల్లో కొంత మార్పులు చోటుచేసుకునే అవకాశం ఉంది. త్వరలోనే ఆయన కోలుకుని పూర్తి ఆరోగ్యంతో మళ్లీ షూటింగ్‌లలో పాల్గొనాలని టాలీవుడ్ ప్రముఖులు, అభిమానులు సోషల్ మీడియా వేదికగా ఆకాంక్షిస్తున్నారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
