Drishyam 3 release date postponed: దృశ్యం 3 విడుదల వాయిదా.. కొత్త డేట్ ఫిక్స్!

Drishyam 3 release date postponed: క్రైమ్ థ్రిల్లర్ సినిమాలకు కేరాఫ్ అడ్రస్ అయిన ‘దృశ్యం’ సిరీస్ నుంచి రాబోతున్న మూడో భాగం కోసం వేచి చూస్తున్న అభిమానులకు చిత్ర బృందం షాకింగ్ న్యూస్ చెప్పింది. మోహన్ లాల్ కథానాయకుడిగా జీతూ జోసెఫ్ దర్శకత్వంలో రూపొందుతున్న ‘దృశ్యం 3’ విడుదల వాయిదా పడింది. ఈ విషయాన్ని స్వయంగా మోహన్ లాల్ సోషల్ మీడియా వేదికగా వెల్లడించారు.

కొత్త విడుదల తేదీ ఎప్పుడు?

తొలుత అనుకున్న సమయం కంటే కాస్త ఆలస్యంగా ఈ చిత్రం ప్రేక్షకుల ముందుకు రానుంది. మోహన్ లాల్ తన ఎక్స్ (ట్విట్టర్) ఖాతాలో స్పందిస్తూ.. “గతం ఎప్పుడూ నిశ్శబ్దంగా ఉండదు.. వేచి చూడండి. మే 21, 2026న జార్జికుట్టి తిరిగి వస్తున్నాడు” అని పేర్కొన్నారు. అంటే ఈ వేసవిలో థ్రిల్లర్ ప్రియులకు జార్జికుట్టి తన తెలివితేటలతో మరోసారి వినోదాన్ని పంచబోతున్నాడు.

Drishyam 3 release date postponed: హిందీ వెర్షన్ అప్‌డేట్

మలయాళంలో షూటింగ్ ఆలస్యమైనప్పటికీ, హిందీలో అజయ్ దేవగణ్ నటిస్తున్న ‘దృశ్యం 3’ పనులు శరవేగంగా జరుగుతున్నాయి. హిందీ వెర్షన్ అక్టోబరు 2న విడుదల కానున్నట్లు సమాచారం. అనుకోకుండా జరిగిన ఒక హత్య, ఆ ప్రమాదం నుంచి తన కుటుంబాన్ని కాపాడుకోవడానికి ఒక సామాన్యుడు చేసే పోరాటమే ఈ ‘దృశ్యం’ సిరీస్ ప్రధాన ఇతివృత్తం.

తెలుగులో వెంకటేష్ మ్యాజిక్?

మలయాళంలో మోహన్ లాల్, తెలుగులో విక్టరీ వెంకటేష్ ఈ చిత్రాలతో భారీ విజయాలను అందుకున్నారు. మలయాళ వెర్షన్ డేట్ ఖరారు కావడంతో, తెలుగులో వెంకటేష్ ‘దృశ్యం 3’ ఎప్పుడు పట్టాలెక్కుతుందా అని టాలీవుడ్ ప్రేక్షకులు ఆసక్తిగా ఎదురుచూస్తున్నారు. జీతూ జోసెఫ్ ఈసారి అంతర్జాతీయ ప్రమాణాలతో కథను సిద్ధం చేసినట్లు తెలుస్తోంది.