Kara Movie: ఓటీటీలోకి వచ్చేసిన 'కర' సినిమా

Kara Movie: కోలీవుడ్ స్టార్ హీరో ధనుష్ వైవిధ్యమైన పాత్రలో నటించిన లేటెస్ట్ మూవీ ‘కర’. థియేటర్లలో ప్రేక్షకులను అలరించిన ఈ చిత్రం ఇప్పుడు డిజిటల్ ప్రియులను అలరించేందుకు ఓటీటీలోకి వచ్చేసింది. నేటి నుంచే ప్రముఖ ఓటీటీ నెట్‌ఫ్లిక్స్ (Netflix) లో ఈ సినిమా డిజిటల్ స్ట్రీమింగ్ ప్రారంభించుకుంది. 1990ల కాలం నాటి రస్టిక్ నేపథ్యంతో తెరకెక్కిన ఈ చిత్రంపై ఓటీటీ ఆడియన్స్‌లో మంచి అంచనాలు ఉన్నాయి.

Kara Movie: ఇంట్రెస్టింగ్ స్టోరీ లైన్

ఈ సినిమాలో 1990ల నాటి సామాజిక, ఆర్థిక పరిస్థితులను దర్శకుడు చాలా వాస్తవికంగా చూపించే ప్రయత్నం చేశారు. మధ్యతరగతి కుటుంబాల్లోని బ్యాంకుల అప్పులు, వాటి చుట్టూ తిరిగే సమస్యలు, ఆ అప్పులను తీర్చలేక ఓ సామాన్య వ్యక్తి ఊహించని విధంగా నేర ప్రపంచంలోకి ఎలా అడుగుపెట్టాల్సి వచ్చింది అనే కథాంశంతో ఈ క్రైమ్ అండ్ ఎమోషనల్ డ్రామా రూపకల్పన జరిగింది. ఇందులో ధనుష్ తన అద్భుత నటనతో పాత్రకు ప్రాణం పోశారు.

రూ.40 కోట్ల వసూళ్లు.. మల్టీ లాంగ్వేజెస్‌లో స్ట్రీమింగ్

ఈ చిత్రం 2026 ఏప్రిల్ 30న థియేటర్లలో విడదలై విమర్శకుల నుంచి మంచి ప్రశంసలు అందుకుంది. కమర్షియల్‌గానూ బాక్సాఫీస్ వద్ద సుమారు రూ.40 కోట్ల వరకు వసూళ్లు సాధించి సత్తా చాటింది. నెల రోజుల క్రితం విడుదలైన ఈ చిత్రం ఇప్పుడు భారీ డిమాండ్ నడుమ డిజిటల్ వేదికపైకి వచ్చింది. సౌత్ ఆడియన్స్‌తో పాటు నార్త్ ప్రేక్షకులను ఆకట్టుకునేలా ఈ సినిమాను తమిళం, తెలుగు, హిందీతో పాటు పలు ప్రధాన భారతీయ భాషల్లో నెట్‌ఫ్లిక్స్ అందుబాటులోకి తీసుకువచ్చింది.

ఈ చిత్రంలో ధనుష్ సరసన ‘ప్రేమలు’ ఫేమ్ మమితా బైజు హీరోయిన్‌గా నటించి మెప్పించింది. సీనియర్ నటుడు, దర్శకుడు కేఎస్ రవికుమార్ ఒక కీలక పాత్రలో నటించారు. ఈ సినిమాకు జీవి ప్రకాశ్ కుమార్ అందించిన సంగీతం మరియు బ్యాక్‌గ్రౌండ్ స్కోర్ ప్రధాన ఆకర్షణగా నిలిచాయి. తన మార్క్ మ్యూజిక్‌తో 1990ల నాటి వింటేజ్ వాతావరణాన్ని థియేటర్లలో అద్భుతంగా ఆవిష్కరించిన జీవీ.. ఇప్పుడు ఓటీటీ ఆడియన్స్‌ను కూడా మెప్పించబోతున్నారు.