Bigg Boss : తమిళ బిగ్ బాస్ రియాలిటీ షో తీవ్ర వివాదంలో చిక్కుకుంది. ప్రముఖ నటుడు, ఈ షో హోస్ట్ విజయ్ సేతుపతి వేదికపై చేసిన కొన్ని వ్యాఖ్యలే ఈ వివాదానికి ప్రధాన కారణమయ్యాయి. షోలో గేమ్ నిర్వహించే సమయంలో ఆయన మాట్లాడుతూ.. “ఆలోచించకుండా హామీలు ఇవ్వడం, సమస్యల నుంచి పారిపోవడం, ప్రతిదానికీ ప్రతిపక్షాలను నిందించడం సరైన నాయకుడి లక్షణం కాదు” అని వ్యాఖ్యానించారు. ఈ వ్యాఖ్యలు తమిళనాడు రాజకీయాల్లో కొత్తగా పార్టీ పెట్టిన ప్రముఖ నటుడు, టీవీకే (TVK) అధినేత దళపతి విజయ్‌ను ఉద్దేశించి చేసినవేనని ఆయన అభిమానులు, పార్టీ కార్యకర్తలు తీవ్ర ఆగ్రహం వ్యక్తం చేస్తున్నారు. సోషల్ మీడియా వేదికగా విజయ్ సేతుపతిపై, షో నిర్వాహకులపై నెటిజన్లు తీవ్ర స్థాయిలో విమర్శలు గుప్పిస్తున్నారు.
Read Also : ‘రణబాలి’ కి బాయ్..బాయ్ చెప్పిన రష్మిక.. డైరెక్టర్ ఎమోషనల్ !!
టీవీకే వర్గాల నిరసన: స్పష్టతనిచ్చిన విజయ్ టీవీ యాజమాన్యం
విజయ్ సేతుపతి వ్యాఖ్యలు రాజకీయ దురుద్దేశంతో కూడుకున్నవని, విజయ్ ప్రతిష్ఠను దెబ్బతీసేందుకే ఇలా మాట్లాడారని టీవీకే శ్రేణులు ఆరోపిస్తున్నాయి. పరిస్థితి ఉద్రిక్తంగా మారడంతో షో ప్రసారం చేస్తున్న ‘విజయ్ టీవీ’ (Vijay TV) యాజమాన్యం తక్షణమే స్పందించి వివరణ ఇచ్చింది. ఈ వ్యాఖ్యలు కేవలం బిగ్ బాస్ హౌస్‌లోని కంటెస్టెంట్ల మధ్య జరిగిన గేమ్ పూర్వాపరాలకు సంబంధించి చేసినవి మాత్రమేనని, ఏ రాజకీయ నాయకుడినీ లేదా వ్యక్తిని ఉద్దేశించి చేసినవి కావని స్పష్టం చేసింది. అయితే ఈ వివరణ ఇచ్చినప్పటికీ, సోషల్ మీడియాలో ఈ వ్యవహారంపై చర్చలు మరియు అభిమానుల మధ్య మాటల యుద్ధం ఇంకా కొనసాగుతూనే ఉంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
