ఈ రోజు ఐపీఎల్ 2025 సీజన్లో మరో హై వోల్టేజ్ మ్యాచ్ జరగబోతోంది. ఢిల్లీ క్యాపిటల్స్తో చెన్నై సూపర్ కింగ్స్ తలపడనుంది. అయితే ఈ మ్యాచ్కి సంబంధించి చెన్నై జట్టు నుంచి ఓ కీలక మార్పు జరగనుందని సమాచారం. రుతురాజ్ గైక్వాడ్ గాయం కారణంగా ఈ మ్యాచ్కు దూరంగా ఉండే అవకాశం ఉంది. దీంతో మళ్లీ ఎంఎస్ ధోనీ చేతికి కెప్టెన్సీ పగ్గాలు వెళ్లే అవకాశం ఉన్నట్లు క్రికెట్ వర్గాల్లో ఊహాగానాలు వినిపిస్తున్నాయి.గత ఆదివారం రాజస్థాన్ రాయల్స్తో జరిగిన మ్యాచ్లో రుతురాజ్ గాయపడ్డ విషయం తెలిసిందే. తుషార్ దేశ్పాండే వేసిన బంతి బలంగా రుతురాజ్ మోచేతికి తగలడంతో అతను నొప్పితో వెనక్కి తగ్గాడు. ఈ గాయం కారణంగా అతను పూర్తి ఫిట్గా లేనట్లు తెలుస్తోంది. ఈ నేపథ్యంలో మళ్లీ సీనియర్ ప్లేయర్ అయిన ధోనీ కెప్టెన్సీ బాధ్యతలు చేపట్టే అవకాశం ఉందన్న చర్చ జోరుగా సాగుతోంది.
గైర్హాజరు
ఇవాళ్టి మ్యాచ్ కోసం గైక్వాడ్ సిద్ధంగా లేనట్లు తెలుస్తోంది. ఒకవేళ అతను గైర్హాజరు అయితే, అతని స్థానంలో ధోనీ సారధ్య బాధ్యతలు చేపట్టే అవకాశాలు ఉన్నాయి. గైక్వాడ్ స్థానంలో బ్యాటర్గా డేవాన్ కాన్వే బరిలోకి దిగే ఛాన్సు ఉన్నది. శుక్రవారం నెట్స్లో అతను ప్రాక్టీస్ చేస్తూ కనిపించాడు. ఓపెనర్గా కాన్వే ఆడే అవకాశాలు ఉన్నాయి. రాహుల్ త్రిపాఠీతో అతను ఓపెనింగ్ వచ్చే ఛాన్సు ఉన్నది. రచిన్ రవీంద్రను మూడవ స్థానంలో ఆడించనున్నారు. జేమీ ఓవర్టన్ను పక్కన పెట్టి ఈ మ్యాచ్కు ఫాస్ట్ బౌలర్ అన్షుల్ కాంబోజ్ను ఆడించనున్నారు.
ధోనీ మళ్లీ కెప్టెన్సీ అంటే – అభిమానులకు పండుగే
ఐపీఎల్ 2023 తర్వాత ఎంఎస్ ధోనీ సీఎస్కే కెప్టెన్సీ నుంచి పక్కకు తప్పుకున్నాడు. ఐపీఎల్ 2024లో యువకుడైన రుతురాజ్ గైక్వాడ్కు సీఎస్కే మేనేజ్మెంట్ కెప్టెన్సీ పగ్గాలు అప్పగించింది. ఐపీఎల్ 2022లో రవీంద్ర జడేజాని సీఎస్కే కెప్టెన్గా ప్రకటించినా సీజన్ మధ్యలోనే అతన్ని తప్పించి మళ్లీ ధోనీకే ఆ పగ్గాలు అప్పగించారు. ఐపీఎల్ 2023లో సీఎస్కేను విజేతగా నిలిపిన అనంతరం మళ్లీ ఈరోజే ధోనీకి కెప్టెన్గా చేసే అవకాశం దక్కింది.మరోవైపున చూస్తే, చెపాక్ వేదికపై చెన్నైకు ఢిల్లీపై బలమైన హిస్టరీ ఉంది. ఇప్పటివరకు జరిగిన 30 మ్యాచ్లలో సీఎస్కే 19 విజయాలను సాధించగా, డిసి కేవలం 11 మ్యాచులే గెలిచింది. అయితే ప్రస్తుత ఫామ్ ప్రకారం ఢిల్లీ జట్టు మరింత మెరుగుపడింది.డిసి మరో విజయం సాధిస్తే వారి పాయింట్ల పట్టికలో అగ్రస్థానానికి చేరే అవకాశం ఉంది. ఇది సీఎస్కేకు తప్పనిసరిగా గెలవాల్సిన మ్యాచ్గా మారింది, ఎందుకంటే వీరి పతనం ఇప్పటికే మొదలైందనే విమర్శలు వినిపిస్తున్నాయి.ధోని మళ్లీ కెప్టెన్సీ చేపడతారా, లేక గైక్వాడ్ గాయాన్ని అధిగమించి జట్టుకు నడిపించగలడా, అనే ప్రశ్నలు మ్యాచ్కు ముందు తేలనున్నాయి. అభిమానులు మాత్రం చెపాక్ వేదికపై మళ్లీ ధోని నాయకత్వాన్ని చూడాలని ఆశగా ఎదురు చూస్తున్నారు. గతంలో ఎన్నో విజయాలు అందించిన ఈ లెజెండరీ కెప్టెన్, మరోసారి తాను ఎందుకు ప్రత్యేకమో రుజువు చేస్తాడా అనే ఆసక్తికర ప్రశ్నకు సమాధానం త్వరలోనే రానుంది.
