తిరుమలలో భద్రతను మరింత బలోపేతం చేయాలనే లక్ష్యంతో టీటీడీ(TTD) కీలక నిర్ణయాలు తీసుకుంది. ఇందులో భాగంగా ఆర్టిఫిషియల్ ఇంటెలిజెన్స్ ఆధారిత ఫేస్ రికగ్నిషన్ కెమెరాలను ఆలయం చుట్టుపక్కల కీలక ప్రాంతాల్లో ఏర్పాటు చేసింది. గత నెల రథసప్తమి సందర్భంగా మాడ వీధుల్లో వీటిని పరీక్షాత్మకంగా వినియోగించగా, మంచి ఫలితాలు లభించాయని అధికారులు తెలిపారు.
Read Also: AP: TTD ఈవో అనిల్ కుమార్ సింఘాల్ బదిలీ
ఏఐ కెమెరాలు, ముక్కోటి తీర్థం, తెప్పోత్సవాలతో వైభవంగా ఆలయ ప్రాంతం
ఈ ఆధునిక కెమెరాల సహాయంతో భక్తుల రద్దీని ముందుగానే అంచనా వేసి, భద్రతా ఏర్పాట్లను సమర్థంగా అమలు చేయవచ్చు. అన్ని కెమెరాలను వైకుంఠం క్యూ కాంప్లెక్స్–1లో ఉన్న కమాండ్ కంట్రోల్ సెంటర్కు అనుసంధానించారు. డిసెంబర్, జనవరి నెలల్లో వైకుంఠ ద్వార దర్శనాల సమయంలో రికార్డు స్థాయిలో భక్తులు వచ్చినప్పటికీ, ఈ సాంకేతికత ద్వారా జనసందోహాన్ని సాఫీగా నియంత్రించగలిగామని టీటీడీ అధికారులు వెల్లడించారు.
ఇదిలా ఉండగా, శేషాచల అటవీ ప్రాంతంలో ఉన్న శ్రీ రామకృష్ణ తీర్థ ముక్కోటి వేడుకలు ఆదివారం ఘనంగా జరిగాయి. ప్రతి ఏడాది మాఘ పౌర్ణమి రోజున ఈ ఉత్సవాన్ని నిర్వహించడం సంప్రదాయం. ఈ సందర్భంగా శ్రీవారి ఆలయం(TTD) నుంచి ఊరేగింపుగా వెళ్లిన అర్చకులు తీర్థంలో శ్రీరామచంద్రుడు, శ్రీకృష్ణుడి విగ్రహాలకు పాలు, పెరుగు, చందనం వంటి ద్రవ్యాలతో ప్రత్యేక అభిషేకాలు నిర్వహించారు. గతేడాదితో పోలిస్తే ఈ ఏడాది భక్తుల సంఖ్య గణనీయంగా పెరిగి 5,000కు పైగా హాజరుకావడం విశేషం. భక్తుల సౌకర్యార్థం టీటీడీ అన్నప్రసాదాలు, తాగునీరు, వైద్య శిబిరాలను ఏర్పాటు చేసింది.
అదే విధంగా తిరుపతిలోని శ్రీ గోవిందరాజస్వామివారి తెప్పోత్సవాలు భక్తులను మంత్రముగ్ధులను చేశాయి. ఉదయం స్వామి, అమ్మవార్లకు స్నపన తిరుమంజనం నిర్వహించగా, సాయంత్రం శ్రీదేవి, భూదేవి సమేత గోవిందరాజస్వామి పుష్కరిణిలో తెప్పపై ఏడు ప్రదక్షిణలు చేస్తూ భక్తులకు దర్శనమిచ్చారు. అనంతరం మాడ వీధుల్లో ఊరేగింపు నిర్వహించి భక్తులను అనుగ్రహించారు. ఈ వేడుకల్లో భారీ సంఖ్యలో భక్తులు పాల్గొన్నారు.
Read hindi news : hindi.vaartha.com
Epaper : epapervaartha.com
Read Also:
