మాజీ మావోయిస్టు కేంద్ర కమిటీ సభ్యుడు పల్లూరి ప్రసాద్రావు అలియాస్ చంద్రన్న చేసిన వ్యాఖ్యలు రాజకీయ, భద్రతా వర్గాల్లో చర్చనీయాంశమయ్యాయి. 45 సంవత్సరాల పాటు అజ్ఞాతంలో ఉన్న ఆయన ఇటీవల తెలంగాణ డీజీపీ శివధర్ రెడ్డి ఎదుట లొంగిపోయారు. మావోయిస్టు పార్టీని పూర్తిగా నిర్మూలించడం అసాధ్యమని, ప్రభుత్వ ఆపరేషన్లు తాత్కాలిక ప్రభావం చూపగలిగినా, ఉద్యమాన్ని పూర్తిగా ఆపలేవని చంద్రన్న అభిప్రాయపడ్డారు. అలాగే పార్టీ లోపలే నమ్మకద్రోహులు ఉన్నారని, బసవరాజు ఎన్కౌంటర్ వెనుక కోవర్ట్ ఆపరేషన్ జరిగి ఉండొచ్చని అనుమానం వ్యక్తం చేశారు.
Read also: Mass Jathara review : మాస్ జాతర రివ్యూ మాస్ ఎంటర్టైనర్ థియేటర్స్లో హిట్ టాక్
TG: మావోయిస్టులను నిర్మూలించడం అసాధ్యం
తాను అనారోగ్య కారణాల వల్లే అజ్ఞాతం వీడానని చంద్రన్న తెలిపారు. ఆయుధాలు వదిలి లొంగిపోవడాన్ని సమర్థించనని, కానీ ఆరోగ్య సమస్యలు, భద్రతా దళాల ఒత్తిడి, సిద్ధాంతపరమైన విభేదాలు కారణంగా ఆ నిర్ణయం తీసుకున్నానని చెప్పారు. 1979లో రాడికల్ స్టూడెంట్స్ యూనియన్ (RSU)తో ప్రారంభమైన ఆయన ప్రయాణం పీపుల్స్ వార్ గ్రూప్ ద్వారా కేంద్ర కమిటీలో స్థానం సంపాదించటానికి దారితీసింది. సుదీర్ఘకాలం మావోయిస్టు కార్యకలాపాలకు మార్గదర్శకుడిగా ఉన్న చంద్రన్న వ్యాఖ్యలు ప్రస్తుతం మావోయిస్టు ఉద్యమ భవిష్యత్తుపై కొత్త చర్చకు దారితీశాయి.
Read hindi news : hindi.vaartha.com
Epaper : epapervaartha.com
Read Also:
