ఝార్ఖండ్లో అమానుషం: ఇద్దరు గిరిజన బాలికలపై సామూహిక అత్యాచారం
ఝార్ఖండ్ రాష్ట్రంలోని గర్హ్వా(Garhwa)జిల్లాలో ఒక ఘోరమైన ఘటన చోటుచేసుకుంది. రంకా పోలీస్ స్టేషన్ పరిధిలోని నాగరి గ్రామానికి చెందిన ముగ్గురు గిరిజన బాలికలు తమ స్నేహితులతో కలిసి నవరాత్రి జాతరకు వెళ్లారు. జాతర ముగించుకుని ఇంటికి తిరుగు ప్రయాణంలో ఉండగా, ఓ స్కార్పియో వాహనంలో వచ్చిన నలుగురు వ్యక్తులు వారిని బలవంతంగా కిడ్నాప్(Jharkhand) చేశారు. బాలికలతో ఉన్న యువకులు అడ్డుకోవడానికి ప్రయత్నించగా, దుండగులు వారిపై దాడి చేసి తరిమేశారు. అనంతరం నిందితులు బాలికలను అటవీ ప్రాంతం వైపు తీసుకెళ్లారు. మార్గమధ్యంలో ఒక బాలిక ప్రాధేయపడటంతో ఆమెను వదిలిపెట్టారు. అయితే, మిగిలిన ఇద్దరిపై అడవిలో దారుణంగా సామూహిక అత్యాచారం చేశారు.
Read also: రోడ్ల మరమ్మతుల కోసం 1000 కోట్లు..
పోలీసుల చర్యలు: ఒకరు అరెస్ట్, ముగ్గురిపై గాలింపు
బాధితులు మరుసటి రోజు ఇంటికి చేరుకుని జరిగిన ఘోరాన్ని కుటుంబ సభ్యులకు తెలియజేశారు. వెంటనే వారు రంకా పోలీస్ స్టేషన్లో ఫిర్యాదు చేయడంతో, పోలీసులు కేసు నమోదు చేశారు. దర్యాప్తులో మండీశ్ యాదవ్, శంకర్ యాదవ్, ఓం ప్రకాశ్ యాదవ్ అనే ముగ్గురు వ్యక్తులు మరియు మరో గుర్తుతెలియని వ్యక్తి ఈ దారుణానికి పాల్పడ్డారని తేలింది. పోలీసులు నిందితుల్లో ఒకరిని అరెస్ట్(Jharkhand)చేసి జైలుకు తరలించారు. మిగతా ముగ్గురిని పట్టుకునేందుకు ప్రత్యేక బృందాలు గాలింపు చర్యలు చేపట్టాయని, వారిని త్వరలోనే అదుపులోకి తీసుకుంటామని అధికారులు తెలిపారు.
Read hindi news: hindi.vaartha.com
Epaper : https://epaper.vaartha.com/
Read Also:
