వివాహేతర సంబంధాలు ప్రశాంతంగా సాగుతున్న కుటుంబ జీవితాలను తీవ్రంగా దెబ్బతీస్తున్నాయి. క్షణిక ఆనందం కోసం చట్టాన్ని, నైతిక విలువలను త్రోసిపుచ్చి, కట్టుకున్న భర్తలనే హత్య చేయడానికి వెనుకాడని సంఘటనలు దేశంలో వెలుగుచూస్తున్నాయి. తాజాగా Rajasthan మరియు Telangana లో జరిగిన రెండు ఘటనలు సమాజాన్ని షాక్కు గురిచేశాయి.
రాజస్థాన్లోని Sri Ganganagar లో మూడు నెలల క్రితమే పెళ్లయిన అంజు (23), ఆశిష్ దంపతుల జీవితం విషాదాంతమైంది. పెళ్లికి ముందే సంజు అనే వ్యక్తితో ఉన్న సంబంధాన్ని అంజు, వివాహం తర్వాత కూడా కొనసాగించినట్లు పోలీసులు గుర్తించారు. భర్తను అడ్డు తొలగించుకోవాలని పథకం వేసిన ఆమె, జనవరి 30న రాత్రి వాకింగ్కు వెళ్దామని చెప్పి ఆశిష్ను నిర్మానుష్య ప్రాంతానికి తీసుకెళ్లింది. అక్కడ ముందే మాటు వేసిన ప్రియుడు సంజు, అతని స్నేహితులతో కలిసి ఆశిష్ను గొంతు నులిమి హత్య చేశారు. ప్రమాదంగా చూపించేందుకు ప్రయత్నించినా, పోలీసుల విచారణలో అసలు నిజం వెలుగులోకి వచ్చింది. ఈ కేసులో నలుగురు నిందితులను అరెస్ట్ చేశారు.
Read Also: AP: పశు ఔషధి విక్రయ కేంద్రాలను ఏర్పాటు చేయాలనే యోచనలో ప్రభుత్వం
ఇదే తరహా ఘటన తెలంగాణలోని Nizamabad జిల్లా ఆర్మూర్ మండలం గోవింద్పేట్లో చోటుచేసుకుంది. మెదక్ జిల్లాకు చెందిన దుర్గయ్య (36), మంజుల దంపతులు కూలి పనుల నిమిత్తం ఇక్కడకు వచ్చారు. ఈ క్రమంలో మంజులకు గ్రామానికి చెందిన సంజీవ్తో వివాహేతర సంబంధం ఏర్పడినట్లు ఆరోపణలు ఉన్నాయి. ఈ విషయం భర్తకు తెలిసిపోతుందనే భయంతో, మంజుల తన ప్రియుడితో కలిసి దుర్గయ్యను గొంతు నులిమి హత్య చేసినట్లు పోలీసులు తెలిపారు. మృతుడి సోదరి ఫిర్యాదు మేరకు కేసు నమోదు చేసి నిందితులను అదుపులోకి తీసుకున్నారు.
ఈ రెండు ఘటనలు వివాహేతర సంబంధాలు కుటుంబాలను మాత్రమే కాకుండా, మానవ విలువలను కూడా ఎలా నాశనం చేస్తున్నాయో స్పష్టంగా చూపిస్తున్నాయని సామాజిక వర్గాలు ఆందోళన వ్యక్తం చేస్తున్నాయి.
Read hindi news: hindi.vaartha.com
Read Also Epaper : epaper.vaartha.com
Read Also:
