హైదరాబాద్: నగరంలోని అత్తాపూర్(Attapur crime) ప్రాంతంలో ఒక యువకుడు ఆత్మహత్యకు పాల్పడటం స్థానికంగా తీవ్ర కలకలం రేపింది. తాను ప్రేమించిన యువతి వివాహానికి నిరాకరించడంతో మనస్తాపం చెందిన సదరు యువకుడు బలవన్మరణానికి పాల్పడ్డాడు.
Read Also: Guntur murder case: బిర్యానీతో భర్తను మట్టుబెట్టిన భార్య
ఘటన వివరాలు
పోలీసులు మరియు బంధువులు తెలిపిన వివరాల ప్రకారం.. అత్తాపూర్ సాయినగర్ నివాసి అయిన ఆదిత్యరెడ్డి (29) ఒక ప్రైవేట్ సంస్థలో ఉద్యోగం చేస్తున్నారు. కొంతకాలంగా ఆయన ఒక యువతిని ప్రేమిస్తున్నారు. అయితే, సదరు యువతి పెళ్లికి నిరాకరించడంతో ఆదిత్యరెడ్డి తీవ్ర మానసిక ఒత్తిడికి లోనయ్యారు. ఈ క్రమంలో ఆదివారం రాత్రి తన గదిలోకి వెళ్లి ఉరివేసుకుని ఆత్మహత్య (suicide) చేసుకున్నారు.
వెలుగులోకి వచ్చిందిలా..
సోమవారం ఉదయం ఎంత సమయమైనా ఆదిత్యరెడ్డి గది నుంచి బయటకు రాకపోవడంతో తండ్రి అనుమానం వ్యక్తం చేశారు. తలుపు తట్టినా లోపలి నుంచి ఎటువంటి స్పందన రాలేదు. దీంతో కుటుంబ సభ్యులు తలుపులు పగులగొట్టి లోపలికి వెళ్లి చూడగా, ఆదిత్య ఫ్యాన్కు వేలాడుతూ కనిపించారు. వెంటనే ఆయన్ని సమీపంలోని ఆసుపత్రికి తరలించగా, అప్పటికే ఆయన మృతి చెందినట్లు వైద్యులు ధృవీకరించారు.
కేసు నమోదు
సమాచారం అందుకున్న పోలీసులు ఘటన స్థలానికి చేరుకుని వివరాలు సేకరించారు. మృతదేహాన్ని పోస్టుమార్టం నిమిత్తం ఉస్మానియా ఆసుపత్రికి తరలించి, కేసు నమోదు చేసి దర్యాప్తు చేస్తున్నారు. యువకుడి మరణంతో సాయినగర్ ప్రాంతంలో విషాద ఛాయలు అలముకున్నాయి.
Read hindi news: hindi.vaartha.com
Epaper: epaper.vaartha.com
Read Also:
