కన్నడ రాకింగ్ స్టార్ యష్ హీరోగా తెరకెక్కుతున్న భారీ బడ్జెట్ పాన్ ఇండియా చిత్రం, టాక్సిక్ సినిమా (Toxic Movie) ను 2026 మార్చి 19న పాన్ ఇండియా స్థాయిలోనే కాకుండా హాలీవుడ్ మార్కెట్లో కూడా విడుదల చేయాలని మేకర్స్ ప్లాన్ చేస్తున్నారు. ఇది కేవలం యశ్ కెరీర్లోనే కాదు, ఇండియన్ సినిమాల గ్లోబల్ జర్నీలో కూడా ఒక కీలక మైలురాయిగా మారే అవకాశాలు ఉన్నాయని విశ్లేషకులు భావిస్తున్నారు. కేజీఎఫ్ తర్వాత యశ్ తీసుకున్న ఈ బోల్డ్ స్టెప్, గీతూ మోహన్దాస్ ప్రత్యేకమైన దర్శకత్వ శైలి, కేవీఎన్ ప్రొడక్షన్స్ భారీ నిర్మాణ విలువలు కలిసివస్తే టాక్సిక్ ఇండియన్ సినిమాను మరో కొత్త స్థాయికి తీసుకెళ్తుందనే అంచనాలు బలంగా వినిపిస్తున్నాయి.
Read Also: Vijay: ‘జన నాయగన్’ సినిమా విడుదల వాయిదా
టీజర్ లో హైలైట్స్
యష్ పుట్టినరోజును పురస్కరించుకుని ఈ మూవీ (Toxic Movie) నుంచి టీజర్ను మేకర్స్ నేడు విడుదల చేశారు. కేజీఎఫ్ తర్వాత దాదాపు నాలుగేళ్ల గ్యాప్ తీసుకున్న యష్ ఈ టీజర్తో బాక్సాఫీస్ వద్ద మరో సునామీ సృష్టించడం ఖాయమని తెలుస్తుంది. దాదాపు మూడు నిమిషాల నిడివి ఉన్న ఈ టీజర్ ప్రారంభం నుంచే ప్రేక్షకులను ఒక భయంకరమైన గ్యాంగ్స్టర్ ప్రపంచంలోకి తీసుకెళ్లింది. ఇందులో యష్ పాత్ర పేరు రాయ (Raya) అని తెలుస్తుంది.
శత్రువుల గుండెల్లో రైళ్లు పరిగెత్తించేలా స్మశానవాటిక సెటప్లో యష్ కారుతో ఇచ్చే ఎంట్రీ సీన్ హైలైట్గా నిలిచింది. పొడవాటి జుట్టు, గుబురు గడ్డం, నోట్లో సిగార్.. చేతిలో అత్యాధునిక గన్తో యష్ మునుపెన్నడూ లేనంత స్టైలిష్గా, కనిపిస్తున్నారు. రవి బస్రూర్ అందించిన బ్యాక్ గ్రౌండ్ స్కోర్ టీజర్కు ప్రాణం పోసింది.ఈ క్రేజీ ప్రాజెక్టులో యష్ సరసన నయనతార, కియారా అద్వానీ, హుమా ఖురేషీ, రుక్మిణి వసంత్ వంటి స్టార్ హీరోయిన్లు నటిస్తుండటం సినిమాపై అంచనాలను రెట్టింపు చేస్తుంది.
Read hindi news: hindi.vaartha.com
Epaper: epaper.vaartha.com
Read Also:
