హీరో ఉపేంద్ర, తన డైరెక్షన్లో తీసిన లేటెస్ట్ సైన్స్ ఫిక్షన్ యాక్షన్ డ్రామా ‘యూఐ’ తో మరోసారి ప్రేక్షకుల ముందుకు వచ్చారు. ఎన్నో విభిన్నమైన కథలను, వైవిధ్యమైన కథనాన్ని తెలుగు, కన్నడ ప్రేక్షకులకు అందించిన ఆయన, ఈ సినిమాతో మరోసారి తన మార్క్ చూపించారు. డిసెంబర్ 20, 2024న విడుదలైన ఈ చిత్రం మిశ్రమ స్పందన అందుకుంది.
కలెక్షన్స్
దాదాపు రూ. 80 కోట్ల భారీ బడ్జెట్తో నిర్మించిన ‘యూఐ’, థియేటర్లలో కేవలం రూ. 47 కోట్లే రాబట్టగలిగింది. కథ వినూత్నంగా ఉన్నప్పటికీ, ప్రేక్షకులకు కొంత క్లిష్టంగా అనిపించడంతో మిక్స్డ్ టాక్ దక్కింది. అయినప్పటికీ, ఉపేంద్ర పవర్ఫుల్ పెర్ఫార్మెన్స్, సినిమాటోగ్రఫీ, విజువల్ ఎఫెక్ట్స్ కు ప్రత్యేకంగా ప్రశంసలు దక్కాయి.
ఓటీటీ
థియేటర్లలో మిశ్రమ స్పందన వచ్చినప్పటికీ, ఇప్పుడు ఈ సినిమా ఓటీటీ & టీవీలో విడుదలకు సిద్ధమవుతోంది.’యూఐ’ సినిమా ఓటీటీ స్ట్రీమింగ్ హక్కులను జీ నెట్వర్క్ కొనుగోలు చేసినట్లు సమాచారం.టీవీ ప్రీమియర్ హక్కులను జీ కన్నడ ఛానెల్ సొంతం చేసుకుంది.మార్చి 30న ఉగాది పండుగ సందర్భంగా సాయంత్రం 4:30 గంటలకు జీ కన్నడలో ఈ చిత్రం టెలికాస్ట్ కానుంది.ఓటీటీ విడుదల తేదీపై ఇంకా అధికారిక ప్రకటన రాలేదు కానీ, ఓటీటీ & టీవీ రిలీజ్ ఒకేసారి ఉండే అవకాశం ఉంది.
కథ
సత్య (ఉపేంద్ర) ఒక యువకుడు, భవిష్యత్తు గురించి భయంకరమైన దృశ్యాలను చూస్తూ మానసిక కష్టాలను ఎదుర్కొంటాడు. అతనిలోని మరో వ్యక్తిత్వం ‘కల్కి’ (ఉపేంద్ర) అతని కోపానికి ప్రతిరూపంగా మారుతుంది. కల్కి ప్రపంచ నాశనాన్ని అరికట్టడానికి నియంత్రణలోకి రావాలని కోరుకుంటాడు, కానీ సత్య మాత్రం మనుషులకు విముక్తి ఇవ్వాలనుకుంటాడు.ఈ భిన్నమైన వ్యక్తిత్వాల మధ్య సంఘర్షణ ముదిరిపోతున్న వేళ, వీరి జీవితంలో వామన రావు (రాజకీయ నాయకుడు) ప్రవేశిస్తాడు. వామన రావు ప్రజలను మభ్యపెట్టి అధికారాన్ని సొంతం చేసుకోవాలని ప్రయత్నిస్తాడు. అతని కుట్రలను అడ్డుకోవడానికి సత్య, కల్కి శక్తిని ఎలా ఉపయోగించుకున్నాడో కథలో ప్రధానంగా చూపించబడుతుంది. అతను తన అంతర్గత భూతాలను జయించి, సమాజానికి మేలు చేసే మార్గాన్ని ఎంచుకున్నాడా? లేక కల్కి విధ్వంసక రూపమే పైచేయి సాధించిందా? అనేది కథలో ఆసక్తికరమైన మలుపు.
విశేషాలు
ఉపేంద్ర స్టోరీ టెల్లింగ్ స్టైల్ ఈ సినిమాకు హైలైట్.టెక్నికల్గా గ్రాండ్ విజువల్స్, వీఎఫ్ఎక్స్ సినిమాను మరింత ఆకర్షణీయంగా మార్చాయి.’యూఐ’ సినిమా థియేటర్లలో నిరాశపరిచినా, ఓటీటీ , టీవీ రిలీజ్తో కొత్తగా ప్రేక్షకులను ఆకట్టుకునే అవకాశం ఉంది. మార్చి 30న జీ కన్నడలో చూసే అవకాశం ఉంది , ఓటీటీలో స్ట్రీమింగ్పై అఫీషియల్ అనౌన్స్మెంట్ రావాల్సి ఉంది.
