ఇటీవలి కాలంలో సైకో థ్రిల్లర్ మిస్టరీ హారర్ సినిమాలకు ప్రేక్షకులు చాలా ఆసక్తి చూపిస్తున్నారు.ఈ తరహా చిత్రాలు ఇప్పుడు ఓటీటీ ప్లాట్ఫాంలలో ఎక్కువగా విడుదలవుతున్నాయి. అయితే ఈ సినిమాను గురించి తెలుసా.ఇది సైకలాజికల్ థ్రిల్లర్ కానీ ప్రేక్షకులను ఆకర్షించడంలో పెద్దగా సక్సెస్ అవ్వలేదు.అయితే కథ చాలా శక్తివంతమైనది.సాయి పల్లవి న్యాచురల్ బ్యూటీ గురించి చెప్పక్కర్లేదు.గతేడాది ఆమె నటించిన అమర్ సినిమాతో బ్లాక్ బస్టర్ హిట్ సాధించింది.ఈ ఏడాది తండేల్ సినిమా కూడా భారీ విజయం సాధించింది.దీంతో ఆమె క్రేజ్ మరింత పెరిగింది.అయితే తాజాగా ఈ బ్యూటీకి సంబంధించిన ఓ క్రేజీ న్యూస్ సోషల్ మీడియాలో వైరల్ అవుతోంది.సినిమా విషయానికి వస్తే ఈ సినిమా ప్రేక్షకులను పెద్దగా ఆకట్టుకోలేదు.కథ చాలా బలమైనది, కానీ ఈ సినిమా కోసం ప్రేక్షకుల నుంచి పెద్దగా ప్రేమ రాలేదు.
ఓ మానసిక ఆరోగ్య సంస్థ చుట్టూ తిరుగుతుంది
దక్షిణాదిలో ఈ సినిమా అంచనాలు కంటే తక్కువగా నిలిచింది. ఇది ఒక హారర్ థ్రిల్లర్, కానీ అందులో ఉన్న సైకలాజికల్ అంశాలు మిమ్మల్ని చివరి వరకు ఆకట్టుకుంటాయి. ఈ సినిమా కథ 1970లలో, కేరళలోని ఒక మారుమూల ప్రాంతంలో జరిగిన ఓ మానసిక ఆరోగ్య సంస్థ చుట్టూ తిరుగుతుంది. డాక్టర్ కె. నాయర్ (ఫహద్ ఫాజిల్) ఈ సంస్థకు ఒక ప్రత్యేక దర్యాప్తు కోసం వెళ్ళాడు.అక్కడ అతనికి చాలా వింత విషయాలు కనిపిస్తాయి. దాని వెనక ఓ భారీ రహస్యం ఉందని చూపిస్తుంది. అక్కడే నిత్య (సాయి పల్లవి) అనే యువతి చీకటి గదిలో బంధించబడి ఉంటుంది.ఆమె ప్రవర్తన చాలా వింతగా ఉంటుంది. ఎవరితోనూ మాట్లాడకుండా మౌనంగా ఉంటుంటుంది.కథలో ఆమె కళ్లు ఎప్పుడూ ప్రకాశిస్తుంటాయి ఆమెను అక్కడ ఎందుకు ఉంచారు? ఆమె మానసిక రోగి కావచ్చు లేదా ఆమె గురించి ఏదైనా పెద్ద రహస్యం ఉందా? అనేది సినిమా ప్రధాన ప్రశ్న.
సాయి పల్లవి ఈ సినిమాలో కథానాయికగా నటించగా
నిత్య బ్యాక్గ్రౌండ్ కూడా సాదాసీదాగా ఉండదు. ధనిక కుటుంబానికి చెందిన ఆమెను అక్కడ ఎందుకు బంధించారు ఈ రహస్యం తెలియడం వలన సినిమా మరింత ఆసక్తికరంగా మారుతుంది. ఈ సినిమా ప్రతి అనుక్షణంలో ఊహించని మిస్టరీలతో, ట్విస్టులతో సాగుతుంది. సాయి పల్లవి ఈ సినిమాలో కథానాయికగా నటించగా, మలయాళీ నటుడు ఫహద్ ఫాజిల్ హీరోగా కనిపించాడు. ఈ సినిమా బాక్సాఫీస్ వద్ద పెద్దగా ఆడలేదు, కానీ దీనికి సంబంధించిన జాతీయ మీడియా, సోషల్ మీడియాలో మంచి చర్చ సాగింది.అయితే అతిరన్ అనే ఈ సినిమా ప్రస్తుతం జియో హాట్ స్టార్ లో స్ట్రీమింగ్ అవుతుంది. ఈ సినిమా ఎంతో ఆసక్తికరమైన కథనంతో, సైకలాజికల్ థ్రిల్లర్ ప్రేమికులకు సరైన ఆహారమయ్యే సినిమా.
