ప్రముఖ నటి సాయి పల్లవి (Sai Pallavi) హిందీ సినిమాల్లోకి అరంగేట్రం చేస్తున్న చిత్రం ‘ఏక్ దిన్’ విడుదలకు ముందే వివాదంలో చిక్కుకుంది. గురువారం ఈ సినిమాకు సంబంధించిన ఫస్ట్ లుక్ పోస్టర్ను చిత్రబృందం అధికారికంగా విడుదల చేయగానే, సోషల్ మీడియాలో తీవ్ర విమర్శలు వస్తున్నాయి..ఆమిర్ఖాన్ కుమారుడు జునైద్ఖాన్ హీరోగా నటిస్తున్న ఈ సినిమా పోస్టర్ను ఒక థాయ్ సినిమా నుంచి అచ్చుగుద్దినట్టు కాపీ కొట్టారని నెటిజన్లు ఆరోపిస్తున్నారు.ఈ చిత్రం ఒక థాయ్ సినిమాకు అధికారిక రీమేక్ అని ప్రచారం జరుగుతోంది.
Read Also: Vijay Sethupathi: ‘జైలర్-2’లో సేతుపతి
మే 1న విడుదల
ఈ నేపథ్యంలో, ఒరిజినల్ సినిమా పోస్టర్నే ఎలాంటి మార్పులు లేకుండా వాడేశారని, చివరికి హిందీ టైటిల్ ‘ఏక్ దిన్’ కూడా అసలు సినిమా టైటిల్కు అనువాదమేనని రెడిట్ వంటి సోషల్ మీడియా వేదికల్లో యూజర్లు కామెంట్లు పెడుతున్నారు. సునీల్ పాండే దర్శకత్వం వహిస్తున్న ఈ రొమాంటిక్ డ్రామాను ఆమిర్ఖాన్ ప్రొడక్షన్స్ నిర్మిస్తోంది. మే 1న ఈ సినిమాను థియేటర్లలో విడుదల చేయనున్నట్టు ప్రకటించారు. ఫస్ట్ లుక్తోనే కాపీ ఆరోపణలు రావడం సినిమాపై నెగెటివ్ చర్చకు దారితీసింది. అయితే, ఈ విమర్శలపై చిత్ర దర్శక నిర్మాతలు ఇప్పటివరకు అధికారికంగా స్పందించలేదు.
Read hindi news: hindi.vaartha.com
Epaper: epaper.vaartha.com
Read Also:
