సినీ లోకానికి తీరని లోటు: సీనియర్ నటుడు రాజేశ్ కన్నుమూత
దక్షిణాది చిత్రసీమలో తన విలక్షణమైన నటనతో గాఢ ముద్ర వేసిన ప్రముఖ నటుడు రాజేశ్ (75) మంగళవారం కన్నుమూశారు. చెన్నై రామాపురంలోని తన నివాసంలో తుదిశ్వాస విడిచిన ఆయన మరణవార్తతో చిత్రపరిశ్రమలో విషాద ఛాయలు అలుముకున్నాయి. కుటుంబ సభ్యుల కథనం మేరకు, రాజేశ్ కొంతకాలంగా అనారోగ్యంతో బాధపడుతున్నారు. ఆయన భౌతికకాయాన్ని అభిమానుల సందర్శనార్థం రామాపురంలోని నివాసంలో ఉంచారు.
ఉపాధ్యాయునిగా ప్రారంభం..
తమిళనాడు (Tamilnadu) లోని తిరువారూర్ జిల్లా, మన్నార్గుడిలో 1949 డిసెంబర్ 20న రాజేశ్ జన్మించారు. తొలుత ఉపాధ్యాయుడిగా తన వృత్తి జీవితాన్ని ప్రారంభించిన ఆయన, నటనపై ఉన్న ఆసక్తితో సినిమా రంగంలోకి అడుగుపెట్టారు. ఆయనకు కుమార్తె దివ్య, కుమారుడు దీపక్ ఉన్నారు. ఆయన భార్య జోన్ సిల్వియా గతంలోనే మరణించారు. ప్రజల సందర్శనార్థం రాజేశ్ భౌతికకాయాన్ని రామాపురంలోని ఆయన నివాసంలో ఉంచారు.
ప్రఖ్యాత దర్శకుడు కె. బాలచందర్ దర్శకత్వంలో 1974లో వచ్చిన ‘అవళ్ ఒరు తొడర్కతై’ చిత్రంతో రాజేశ్ నటుడిగా అరంగేట్రం చేశారు. ఆ తరువాత, రాజ్కన్ను నిర్మించిన ‘కన్ని పరువత్తిలే’ (1979) చిత్రంలో కథానాయకుడిగా నటించి మంచి గుర్తింపు తెచ్చుకున్నారు. ఈ సినిమా ఆయన కెరీర్లో ఒక మైలురాయిగా నిలిచింది.
గంభీర స్వరానికి డబ్బింగ్ రంగంలో ఆదరణ
దాదాపు ఐదు దశాబ్దాల తన సినీ ప్రస్థానంలో తమిళం, తెలుగు, మలయాళం తదితర దక్షిణాది భాషా చిత్రాల్లో అనేక రకాల పాత్రలు పోషించారు. కథానాయకుడిగా, సహాయ నటుడిగా, క్యారెక్టర్ ఆర్టిస్టుగా ఇలా అన్ని రకాల పాత్రల్లోనూ ఒదిగిపోయి, తన నటనతో ప్రేక్షకులను మెప్పించారు. ఆయన భావయుక్తమైన నటన, తెరపై గంభీరమైన ఉనికి ప్రేక్షకులను ఆకట్టుకున్నాయి.
నటనలోనే కాకుండా, డబ్బింగ్ కళాకారుడిగా కూడా రాజేశ్ తన ప్రతిభను చాటుకున్నారు. తన గంభీరమైన, ప్రత్యేకమైన స్వరంతో అనేక పాత్రలకు జీవం పోశారు. దిగ్గజ దర్శకుడు కె. బాలచందర్తో ఆయనకు ప్రత్యేక అనుబంధం ఉంది.
సినీ ప్రముఖుల నుండి సంతాప సందేశాలు
రాజేశ్ మృతి పట్ల తమిళ చిత్ర పరిశ్రమ తీవ్ర దిగ్బంధంలో మునిగిపోయింది. ప్రముఖ నటులు, దర్శకులు, నిర్మాతలు ఆయన కుటుంబానికి సానుభూతిని తెలియజేస్తున్నారు. కమల్ హాసన్, రజనీకాంత్, సుర్యా, మణిరత్నం తదితరులు సోషల్ మీడియాలో తనతో ఉన్న అనుబంధాలను గుర్తుచేసుకుంటూ రాజేశ్కు నివాళులు అర్పించారు. “రాజేశ్గారి మృదువైన స్వభావం, నాటకీయమైన నటనా శైలి ఇప్పటికీ మన మదిలో నిలిచిపోతుంది” అని పలువురు వ్యాఖ్యానించారు.
Read also: Demon: తెలుగులోను స్ట్రీమింగ్ అవుతున్న ‘డీమన్’ (ఆహా) లో
