రాజ్ తరుణ్తో నాకు ప్రాణహాని ఉంది: లావణ్య
హైదరాబాద్ నగరానికి చెందిన నటుడు రాజ్ తరుణ్, లావణ్యల మధ్య కొనసాగుతున్న గొడవ మళ్లీ ఒక్కసారిగా చర్చనీయాంశంగా మారింది. కొంతకాలంగా మౌనంగా ఉన్న ఈ వివాదం బుధవారం నాడు మళ్లీ రక్తి కట్టించింది. నటి లావణ్య నివాసమున్న కోకాపేట్ ఇంటికి బుధవారం మధ్యాహ్నం రాజ్ తరుణ్ తల్లిదండ్రులు, వారి అనుచరులు వచ్చినట్లు తెలుస్తోంది. వారు ఇంటి గేట్ వద్ద హల్చల్ చేయడంతో పాటు, లావణ్య ఇంట్లోకి ప్రవేశించి సీసీ కెమెరాలు, ఫర్నీచర్ ధ్వంసం చేశారని ఆరోపణలు వెలువడుతున్నాయి.ఈ సమయంలో లావణ్యను ఇంటి నుండి బయటకు లాగేందుకు ప్రయత్నించినట్లు సమాచారం. అదేవిధంగా, ఆమెకు అడ్డుగా వచ్చిన సోదరుడిపై కూడా దాడి చేశారని ఆమె ఆరోపించారు. ఈ ఘటనలో Raj Tarun తల్లిదండ్రులు, అతడి అనుచరులు గురువారం తెల్లవారుజామున వరకూ లావణ్య ఇంటి వద్దే ఉండిపోయారు. పోలీసులు వచ్చి పరిస్థితిని చక్కదిద్దే ప్రయత్నం చేశారు. చివరికి లావణ్య అంగీకరించడంతో రాజ్ తరుణ్ తల్లిదండ్రులను ఆమె తిరిగి ఇంట్లోకి అనుమతించింది.
రాజ్ తరుణ్ పై లావణ్య ఫిర్యాదు: ప్రాణహాని ఉన్నదని ఆరోపణ
గురువారం నాడు లావణ్య నార్సింగి పోలీస్స్టేషన్కి వెళ్లి ఫిర్యాదు చేసింది. తనపై దాడి జరిగిందని, మొత్తం 15 మంది రౌడీలను రాజ్ తరుణ్ ప్రేరేపించాడని ఆమె ఆరోపించింది. దీనిపై చట్టపరమైన చర్యలు తీసుకోవాలని ఆమె కోరింది. మీడియాతో మాట్లాడిన లావణ్య – “నేను రాజ్కు క్షమాపణలు చెప్పాను. గొడవలు వద్దు అనుకున్నా. కానీ ఆయన మాత్రం నన్ను వదిలించుకోవాలని కుట్రలు చేస్తూ నా మీద దాడులకు పాల్పడుతున్నాడు” అని ఆవేదన వ్యక్తం చేసింది. Raj Tarun తనపై ప్రాణహాని కలిగించేలా ప్రవర్తిస్తున్నాడని, తనకు పోలీసులు రక్షణ కల్పించాలంటూ ఆమె విజ్ఞప్తి చేసింది. “ఇది పంచాయితీ విషయం కాదు. చట్టపరంగా ఆయనను కోర్టులోకి ఈడుస్తాను. అవసరమైతే శైలుకు పంపిస్తాను” అంటూ ఆమె ఆగ్రహాన్ని వ్యక్తం చేసింది. ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు. ఇంటికి వచ్చిన వ్యక్తుల అనుమతులు, సీసీ కెమెరా ఫుటేజ్లను పరిశీలిస్తున్నారు.
Read More : Trump : ఇటలీ ప్రధాని అంటే నాకు చాలా ఇష్టం: ట్రంప్
