లోకేష్ కనగరాజ్ అనే పేరు ఈరోజు సినిమా ప్రేక్షకులకు ప్రత్యేకంగా పరిచయం చేయాల్సిన అవసరం లేదు. తన మానసిక ప్రతిభతో, అనుభవసంపన్న దర్శకత్వంతో, ప్రతి ఒక్క సినిమాను బ్లాక్ బస్టర్గా మార్చిన ఘనత ఆయనది ప్రారంభం నుంచీ వైవిధ్యమైన కథాంశాలను ఎంచుకుంటూ, తమిళ చిత్రసీమలో తనకంటూ ప్రత్యేకమైన స్థానం సంపాదించుకున్నాడు లోకేష్ సినీమాటిక్ యూనివర్స్ (LCU) అనేది ఖైదీ చిత్రం ద్వారా మొదలైంది. కార్తీ హీరోగా నటించిన ఈ సినిమాలో, విభిన్నమైన కథాంశంతో ప్రేక్షకులను ఆకట్టుకున్నాడు ఆ తర్వాత కమల్ హాసన్తో తెరకెక్కిన విక్రమ్ సినిమాలో, ఖైదీ సినిమాతో లింక్ చేస్తూ చివర్లో సూర్యను రోలెక్స్ పాత్రలో పరిచయం చేసి, లోకేష్ తన యూనివర్స్ను మరింత విస్తరించాడు. ఇక, విజయ్ హీరోగా వచ్చిన లియో సినిమాలో కూడా ఖైదీ, విక్రమ్ చిత్రాల కథలను లింక్ చేస్తూ, తన సినీమాటిక్ యూనివర్స్ను కొనసాగించాడు.
తాజాగా, ఈ యూనివర్స్లో మరో కొత్త నటుడు వచ్చి చేరాడు కాంచన సిరీస్తో ప్రేక్షకులను అలరించిన రాఘవ లారెన్స్ ఈసారి ‘బెంజ్’ అనే చిత్రంలో హీరోగా నటించనున్నాడు ఈ సినిమాకు కథను స్వయంగా లోకేష్ కనగరాజ్ అందించారు. “కారణంతో పోరాడే యోధుడు సైనికుడికంటే ప్రమాదకరం” అంటూ టీజర్లో హింట్ ఇచ్చారు లారెన్స్ పుట్టినరోజు కానుకగా విడుదలైన ఈ టీజర్ చూసిన వెంటనే, ‘బెంజ్’ సినిమా లోకేష్ గత చిత్రాలతో లింక్ ఉందన్న సంకేతాలు కనపడుతున్నాయి ‘బెంజ్’ చిత్రం భారీ బడ్జెట్తో మాస్ యాక్షన్ ఎంటర్టైనర్గా రూపొందనుంది. ఇందులో కథనాలు, పాత్రలన్నీ లోకేష్ గత సినిమాల కంటే కూడా మరింత శక్తివంతంగా ఉంటాయని అభిమానులు ఊహిస్తున్నారు. ఈ సినిమా విషయంలో దర్శకుడిగా భాగ్యరాజ్ కన్నన్ వ్యవహరిస్తుండగా, నిర్మాతగా లోకేష్ సమర్పకుడిగా వ్యవహరిస్తున్నారు ఈ చిత్రం విడుదలతో, లోకేష్ సినిమాటిక్ యూనివర్స్కు మరింత బలం చేకూరనుంది. ప్రస్తుతానికైతే ఫ్యాన్స్ లోకేష్ క్రియేట్ చేసిన యూనివర్స్లో వచ్చే ప్రతి పాత్ర, ప్రతి కథ కోసం ఆసక్తిగా ఎదురుచూస్తున్నారు.
