టాలీవుడ్ హీరో సుమంత్ ఒకప్పుడు వరుస చిత్రాలతో, విజయాలతో దూసుకుపోయాడు. సుమంత్ కెరీర్లో సత్యం ఎవర్ గ్రీన్గా ఉంటుంది. ఆ తరువాత సెకండ్ ఇన్నింగ్స్ అన్నట్టుగా మళ్లీ రావా చిత్రం వచ్చింది. సుమంత్కు ఆశించిన సక్సెస్ మాత్రం అన్ని వేళలా రావడం లేదు. ఎన్ని రకాలుగా ప్రయత్నిస్తూ ఉన్నా, ఎన్ని జానర్లు మార్చేస్తున్నా కూడా సక్సెస్ మాత్రం అంత త్వరగా రావడం లేదు. ఆ మధ్య రెండో పెళ్లి అంటూ రకరకాల వార్తలతో సుమంత్ ట్రెండ్లోకి వచ్చాడు. రెండో పెళ్లి అనేది అంతా కూడా సినిమా ప్రమోషన్స్లో భాగమే అని తరువాత అందరికీ తెలిసి వచ్చింది. ఇక సుమంత్(Sumanth) ఈ మధ్య మళ్లీ వరుస ప్రాజెక్టులతో బిజీ అవుతున్నాడు. ఈ క్రమంలో సుమంత్ నటించిన అనగనగా అనే చిత్రాన్ని నేరుగా ఓటీటీలోకి తీసుకు వస్తున్నారు. మే 15 నుంచి ఈ చిత్రాన్ని ఈటీవీ విన్ ప్రదర్శిస్తుంది. ఈ క్రమంలో సుమంత్ ప్రమోషన్స్లో భాగంగా సందడి చేశాడు.
ప్రచారం
ఈ మధ్య హీరోయిన్ మృణాల్ ఠాకూర్(Mrunal Thakur)తో సుమంత్ చాలా క్లోజ్గా ఉన్న ఫొటో ఒకటి నెట్టింట వైరల్ అయింది. దీంతో వారిద్దరు ప్రేమలో ఉన్నారని త్వరలో పెళ్లి చేసుకుంటారనే ప్రచారం కూడా జరిగింది. దీనిపై సుమంత్ గానీ, మృణాల్ కాని వారి సన్నిహితులు గానీ స్పందించకపోవడంతో రూమర్లు మరింత పెరిగాయి. అయితే తాజాగా దీనిపై సుమంత్ క్లారిటీ ఇచ్చేశాడు. కొద్దిరోజులుగా జరుగుతోన్న ప్రచారం అంతా ఫేక్ అంటూ కొట్టి పారేశాడు. ఆ ఫోటో సీతారామం మూవీ అప్పటిదని , దాన్ని ఇప్పుడు వైరల్ చేస్తూ పెళ్లి అంటూ పుకార్లు పుట్టిస్తున్నారని అన్నారు.
ఎక్కువగా
ఇక ఇంట్లో ఖాళీగా ఉంటే ఏం చేస్తారు,అసలు మీ హాబీస్ ఏంటి? అని అడిగితే సుమంత్ ఇంట్రెస్టింగ్గా సమాధానం ఇచ్చాడు. అసలు నాకు అంత ఫ్రీ టైం దొరకదు,ఇప్పుడు రెండు ప్రాజెక్టులు చేస్తున్నాను ఇంట్లో ఖాళీగా ఉంటే నా హోం థియేటర్ నా కుక్కలు నా ఇళ్లు కొద్ది పాటి ఫ్రెండ్స్ అంతే ఇదే నా ప్రపంచం అని సుమంత్ చెప్పేశాడు. నిర్మాణంలోకి వస్తారా? అని అంటే సంపాదించిన డబ్బు జాగ్రత్తగా ఇన్వెస్ట్ చేసి దాచి పెట్టుకుంటే చాలు అని సుమంత్ చెప్పుకొచ్చాడు. నేను ఏమీ ఎక్కువగా ఖర్చు పెట్టే వ్యక్తిని కాదు నాకు హోం థియేటర్ అంటే ఇష్టం, వాటిపైనే ఎక్కువగా ఖర్చు పెడతాను ఇంట్లో ఉండటమే నాకు చాలా ఇష్టం,అని సుమంత్ అన్నాడు.
Read Also : Ace Movie: ఏస్ మూవీ ట్రైలర్ రిలీజ్
