టాలీవుడ్ స్టార్ ప్రభాస్ నటించిన తాజా చిత్రం ‘రాజాసాబ్’ నిన్న(Day1 Collection) గ్రాండ్గా విడుదలైంది. విడుదలైన మొదటి రోజే ఈ సినిమా బాక్సాఫీస్ వద్ద అద్భుతమైన స్పందనను రాబట్టింది. అభిమానుల అంచనాలను అందుకుంటూ తొలి రోజు భారీ వసూళ్లు నమోదు చేసినట్లు ట్రేడ్ వర్గాలు వెల్లడిస్తున్నాయి.
Read Also: Prabhas: ‘రాజాసాబ్’ డిజిటల్ రైట్స్ దక్కించుకున్న జియో హాట్స్టార్
సినిమా ట్రాకింగ్ సంస్థ sacnilk సమాచారం ప్రకారం, ఇండియా వ్యాప్తంగా మొదటి రోజు సుమారు రూ.45 కోట్ల నెట్ కలెక్షన్ సాధించింది. ప్రీమియర్ షోల ద్వారా వచ్చిన ఆదాయాన్ని కూడా కలుపుకుంటే మొత్తం వసూళ్లు రూ.54 కోట్ల వరకు(Day1 Collection) చేరినట్లు తెలుస్తోంది. అంతేకాకుండా, ప్రపంచవ్యాప్తంగా ఈ చిత్రం దాదాపు రూ.90 కోట్ల గ్రాస్ ఓపెనింగ్ నమోదు చేసినట్లు అంచనా వేస్తున్నారు.
అభిమానుల హంగామా.. థియేటర్ల వద్ద పండుగ వాతావరణం
రాజాసాబ్ విడుదల సందర్భంగా థియేటర్ల వద్ద అభిమానులు సంబరాలు చేసుకున్నారు. ముఖ్యంగా తెలుగు రాష్ట్రాలతో పాటు ఇతర ప్రాంతాల్లోనూ ప్రభాస్ అభిమానులు పెద్ద సంఖ్యలో సినిమా చూసేందుకు తరలివచ్చారు. మాస్ ఆడియెన్స్ నుంచి సానుకూల స్పందన లభిస్తోందని ట్రేడ్ వర్గాలు పేర్కొంటున్నాయి.
టికెట్ ధరలపై రెండు రాష్ట్రాల్లో భిన్న పరిస్థితులు
ఈ సినిమా విడుదలతో పాటు టికెట్ల ధరల అంశం మరోసారి చర్చకు వచ్చింది. ఆంధ్రప్రదేశ్లో టికెట్ల రేట్ల పెంపు కొనసాగుతుండగా, తెలంగాణలో మాత్రం టికెట్ ధరలు పెంచేందుకు జారీ చేసిన మెమోను హైకోర్టు తాత్కాలికంగా సస్పెండ్ చేసింది. దీంతో తెలంగాణలో సాధారణ ధరలకే టికెట్లు అందుబాటులో ఉన్నాయి. వీకెండ్, పండుగ సీజన్ ప్రభావంతో రాజాసాబ్ వసూళ్లు మరింత పెరిగే అవకాశం ఉందని విశ్లేషకులు అంచనా వేస్తున్నారు. వర్డ్ ఆఫ్ మౌత్ బలంగా ఉంటే ఈ సినిమా త్వరలోనే వంద కోట్ల క్లబ్లో చేరే అవకాశాలు ఉన్నాయని ట్రేడ్ వర్గాలు అభిప్రాయపడుతున్నాయి.
Read hindi news: hindi.vaartha.com
Epaper: epaper.vaartha.com
Read Also:
