కథానాయికగా జాన్వీ కపూర్ అందాల తార జాన్వీ కపూర్ ఈ మధ్యకాలంలో పలు చిత్రాలతో ప్రేక్షకులను ఆకట్టుకుంటున్న సంగతి తెలిసిందే. ప్రస్తుతం జాన్వీ, గ్లోబల్ స్టార్ రామ్ చరణ్తో కలిసి RC 16 చిత్రంలో నటిస్తున్నారు.”ఉప్పెన” వంటి బ్లాక్బస్టర్ సినిమాతో బాక్సాఫీస్ని షేక్ చేసిన బుచ్చిబాబు సానా ఈ చిత్రాన్ని భారీ స్థాయిలో తెరకెక్కిస్తున్నారు.నేడు (మార్చి 6) జాన్వీ కపూర్ పుట్టినరోజు సందర్భంగా RC 16 చిత్ర బృందం ప్రత్యేకంగా ఒక పోస్టర్ విడుదల చేసింది.జాన్వీకి పుట్టినరోజు శుభాకాంక్షలు తెలియజేస్తూ, ఈ పోస్టరులో ఆమె సెట్ నుంచి తీసిన ఓ స్టిల్ని కూడా షేర్ చేశారు.అయితే ఇది బిహైండ్ ది సీన్ (బీఎస్) స్టిల్ మాత్రమే, అసలైన ఫస్ట్ లుక్ కాదు అని చిత్ర బృందం స్పష్టం చేసింది.ఈ ఫోటో మైసూర్ లోని మొదటి షెడ్యూల్ సమయంలో తీసిన సాధారణ ఫోటో అని క్లారిటీ ఇచ్చారు. RC 16 చిత్రంపై మంచి అంచనాలు పెరిగాయి.టీం జాన్వీ కపూర్ యొక్క ఫస్ట్ లుక్ గురించి ఎప్పటినుంచి ప్రేక్షకులకు ఆశలు నింపుతోంది. నవంబర్ 2024లో మైసూర్లో మొదటి షెడ్యూల్ జరిగింది ఇందులో జాన్వీ కపూర్ పాల్గొన్నారు.
RC 16 చిత్రాన్ని వృద్ధి సినిమాస్ బ్యానర్పై వెంకట సతీష్ కిలారు
ప్రస్తుతం హైదరాబాద్ లో ప్రారంభమైన కొత్త షెడ్యూల్లో కూడా జాన్వీ పాల్గొంటున్నారు.ఈ షెడ్యూల్ 12 రోజుల పాటు కొనసాగుతుంది ఇందులో హీరో, హీరోయిన్, ఇతర కీలక పాత్రలు పట్ల ప్రత్యేక సన్నివేశాలను చిత్రీకరించనున్నారు. ఈ చిత్రంలో మరిన్ని ప్రముఖ నటులు కూడా కనిపించనున్నారు. ‘కరుణడ చక్రవర్తి’గా శివ రాజ్కుమార్, జగపతిబాబు, మరియు మీర్జాపూర్ ఫేమ్ దివ్యేందు కీలక పాత్రల్లో నటిస్తున్నారు. ఈ చిత్రం సంగీతానికి ప్రముఖ ఆస్కార్ విన్నింగ్ మ్యూజిక్ డైరెక్టర్ ఏఆర్ రెహమాన్ స్వరాలు సమకూరుస్తున్నారు. అలాగే, ప్రముఖ కెమెరామెన్ రత్నవేలు ఈ చిత్రానికి అద్భుతమైన విజువల్స్ అందిస్తున్నారు. అవినాష్ కొల్లా ప్రొడక్షన్ డిజైనర్గా పని చేస్తున్నారు. RC 16 చిత్రాన్ని వృద్ధి సినిమాస్ బ్యానర్పై వెంకట సతీష్ కిలారు భారీ స్థాయిలో నిర్మిస్తున్నారు. ఈ చిత్రం మైత్రీ మూవీ మేకర్స్ మరియు సుకుమార్ రైటింగ్స్ సంస్థల సంయుక్త సమర్పణలో తెరకెక్కుతోంది. ఈ చిత్రానికి సంబంధించి మరిన్ని అప్డేట్స్ త్వరలోగా రాబోతున్నాయి. RC 16 సినిమా జాన్వీ కపూర్, రామ్ చరణ్ మరియు ఇతర నటుల నటనతో ప్రేక్షకులను ఆకట్టుకోవడం ఖాయంగా ఉంది.
