Anushka Shetty Marriage: టాలీవుడ్ సీనియర్ నటి, ‘జేజమ్మ’ అనుష్క శెట్టి (44) వ్యక్తిగత జీవితానికి సంబంధించి సోషల్ మీడియాలో ఒక ఆసక్తికరమైన వార్త చక్కర్లు కొడుతోంది. గత కొన్నేళ్లుగా ఆమె పెళ్లిపై అనేక రకాల ఊహాగానాలు వచ్చినప్పటికీ, ఈసారి మాత్రం ఆమె త్వరలోనే వివాహ బంధంలోకి అడుగుపెట్టబోతున్నట్లు గట్టిగా వినిపిస్తోంది. సినీ వర్గాల సమాచారం ప్రకారం, అనుష్క కుటుంబానికి ఎంతో కాలంగా పరిచయం ఉన్న ఒక ప్రముఖ వ్యాపారవేత్తతో ఈ సంబంధం నిశ్చయమైనట్లు తెలుస్తోంది.
Read Also:Rajendra Prasad: ఎంజీఆర్పై వ్యాఖ్యలు.. క్షమాపణలు చెప్పిన రాజేంద్రప్రసాద్
వ్యాపారవేత్తతో త్వరలోనే ఏడడుగులు?
ఈ పెళ్లికి ఇరు కుటుంబాల పెద్దలు ఇప్పటికే గ్రీన్ సిగ్నల్ ఇచ్చారని, ప్రస్తుతం పెళ్లి పనుల గురించి చర్చలు జరుగుతున్నాయని సమాచారం. గతంలో ప్రభాస్ వంటి స్టార్ హీరోలతో ఆమె పేరు ముడిపడి అనేక వార్తలు వచ్చిన సంగతి తెలిసిందే. అయితే, వాటన్నింటికీ భిన్నంగా ఈసారి ఆమె కుటుంబ సభ్యులు చూసిన సంబంధాన్నే అనుష్క చేసుకోబోతున్నట్లు టాలీవుడ్లో జోరుగా ప్రచారం సాగుతోంది.
ప్రస్తుతం ఈ వార్తలపై అటు అనుష్క శెట్టి గానీ, ఇటు ఆమె టీమ్ గానీ ఇంకా ఎలాంటి అధికారిక ప్రకటన చేయలేదు. అనుష్క అభిమానులు మాత్రం ఈ వార్త నిజం కావాలని, తమ అభిమాన నటి త్వరగా ఒక ఇంటిది కావాలని సోషల్ మీడియా వేదికగా ఆకాంక్షిస్తున్నారు. త్వరలోనే ఈ మెగా వెడ్డింగ్కు సంబంధించిన మరిన్ని వివరాలు వెల్లడయ్యే అవకాశం ఉంది.
Read hindi news: hindi.vaartha.com
Epaper : epaper.vaartha.com
Read Also:
