తమిళ సినీ హీరో దళపతి విజయ్ రాజకీయ రంగంలోకి అడుగుపెట్టే ముందు ఆయన నటించిన చిత్రం ‘గోట్: ది గ్రేటెస్ట్ ఆఫ్ ఆల్ టైం’ మంచి విజయాన్ని సాధించింది. ఈ సినిమాను ప్రముఖ దర్శకుడు వెంకట్ ప్రభు డైరెక్ట్ చేశాడు. ఈ చిత్రంలో విజయ్ ద్విపాత్రాభినయం చేశాడు, ఒకే సినిమాలో తండ్రి, కొడుకు పాత్రల్లో అలరిస్తూ తన నటనకు కొత్త శైలి చేర్చాడు. సినిమా సెప్టెంబర్ 5న విడుదలై, తమిళనాడులో మంచి హిట్ కొట్టగా, తెలుగులో మాత్రం యావరేజ్ రన్ను సంతరించుకుంది. ఈ చిత్రంలో నటించిన ముఖ్య పాత్రలు చూసుకుంటే, స్నేహ, మీనాక్షి చౌదరి, ప్రభుదేవా, ప్రశాంత్ వంటి ప్రముఖ నటులు కీలక పాత్రల్లో నటించారు. అయితే ఈ సినిమాలో అందరి దృష్టిని ఆకర్షించిన మరో పాత్ర, అది విజయ్ చెల్లి పాత్ర. ఈ పాత్రలో అభ్యుక్త మణికందన్ నటించింది, ఆమె గురించి మరింత తెలుసుకుంటే షాక్ అవ్వడం ఖాయం.
గోట్: ది గ్రేటెస్ట్ ఆఫ్ ఆల్ టైం లో విజయ్ చెల్లిగా నటించిన అభ్యుక్త మణికందన్ తన తొలి సినిమాతోనే ప్రేక్షకుల మనసులు దోచింది. చెన్నైలో పుట్టి పెరిగిన ఈ యువతిని చూస్తే నిన్నమొన్నటిదాకా ఎవరో అనిపించినా, ఆమె వెనుక ఉన్న బ్యాగ్రౌండ్ ఎంతో గొప్పది. ఆమె పేరు చూసినప్పుడే తెలిసిపోతుంది – ఆమె ప్రముఖ సినిమాటోగ్రాఫర్ మణికందన్ కుమార్తె మణికందన్ అన్నియన్ ‘ఓం శాంతి ఓం’ ‘బ్రహ్మాస్త్ర’ లాంటి బ్లాక్ బస్టర్ సినిమాలకు సినిమాటోగ్రఫీ చేసిన దక్కదమ్ముడు అభ్యుక్త మణికందన్ సినీ ఇండస్ట్రీకి కొత్త అయినప్పటికీ, ఆమెకు డ్యాన్స్ ఫీల్డులో మంచి గుర్తింపు ఉంది. ఆమె ఒక ప్రొఫెషనల్ క్లాసికల్ డ్యాన్సర్. ఆమె భరతనాట్యంలో ప్రావీణ్యం సంపాదించుకుని, దేశ విదేశాల్లోని అనేక స్టేజిల్లో తన డ్యాన్స్ ప్రదర్శనలు ఇచ్చింది. లా డిగ్రీ పూర్తి చేసిన అభ్యుక్త, ఆ తర్వాత మోడలింగ్ రంగంలోకి అడుగుపెట్టి, పలు యాడ్స్ మరియు ఫోటోషూట్లలో కనిపించింది. అలా 2024లో విజయ్ నటించిన ‘గోట్’ సినిమాలో చాన్స్ దక్కించుకోవడం ఆమె సినీ కెరీర్లో ఓ గొప్ప ప్రారంభం
ఈ చిత్రంలో విజయ్ చెల్లిగా నటించిన అభ్యుక్త, ఆమె పాత్రకు ఎంతో న్యాయం చేసింది. తన సహజమైన నటనతో ప్రేక్షకులను ఆకట్టుకుంది. ఆమె తన నటనతో కేవలం సినిమాలో మాత్రమే కాకుండా, తమిళ సినిమా పరిశ్రమలో కూడా మంచి మార్కులు పొందింది ఇప్పటివరకు తన డ్యాన్స్ మరియు మోడలింగ్ ప్రతిభతో ఆకట్టుకున్న అభ్యుక్త, ఇప్పుడు సినిమా రంగంలో కూడా నిలదొక్కుకుంటుందనే విశ్వాసం ఉంది సినిమా షూటింగ్స్, పర్సనల్ లైఫ్ గురించి అభ్యుక్త తరచూ సోషల్ మీడియాలో షేర్ చేస్తూ ఉంటుంది ఇన్స్టాగ్రామ్ వేదికగా ఆమె ఫాలోవర్స్ కు ఎప్పటికప్పుడు అప్డేట్స్ అందిస్తూ, తాను చేసిన ఫోటోషూట్లు, యాడ్స్, సినిమా సంగతులు పంచుకుంటుంది ‘గోట్’ చిత్రంతో సినీ ప్రపంచంలోకి అడుగుపెట్టిన అభ్యుక్త మణికందన్, తన తర్వాతి సినిమాల కోసం కూడా ఆసక్తిగా ఎదురుచూస్తుంది. ఆమె సినీ ఫ్యామిలీ నుంచి వచ్చినా కూడా, తనదైన శైలిలో ఇండస్ట్రీలో పేరు సంపాదించాలని కృతనిశ్చయంతో ఉన్నట్లు తెలుస్తోంది.
