తెలంగాణ (TG) ఇంటర్మీడియట్ బోర్డు 2026 విద్యా సంవత్సరానికి సంబంధించిన పరీక్షల షెడ్యూల్ను అధికారికంగా విడుదల చేసింది. రాష్ట్రవ్యాప్తంగా వేలాది మంది విద్యార్థులు ఆసక్తిగా ఎదురుచూస్తున్న ఈ షెడ్యూల్ను ఇంటర్ బోర్డు (Inter Board) కార్యదర్శి కృష్ణ ఆదిత్య (Krishna Aditya) హైదరాబాద్లో నిర్వహించిన మీడియా సమావేశంలో వెల్లడించారు. ఆయన తెలిపిన వివరాల ప్రకారం, ఇంటర్మీడియట్ ఫస్ట్, సెకండ్ ఇయర్ పరీక్షలు వచ్చే సంవత్సరం ఫిబ్రవరి 25 నుంచి ప్రారంభమై మార్చి 18 వరకు కొనసాగనున్నాయి.
Read Also: TG SET-2025: దరఖాస్తు గడువు పొడిగింపు – నవంబర్ 6వరకు అవకాశం
గతంలో మార్చిలో మొదలయ్యే పరీక్షలను, ఈ సంవత్సరం విద్యార్థులు JEE మెయిన్, EAPCET (EAMCET), నీట్ (NEET) వంటి పోటీ పరీక్షలకు సిద్ధం కావడానికి వీలుగా, ఫిబ్రవరి 25 నుంచే మొదలుపెట్టాలని నిర్ణయించారు. దీనివల్ల విద్యార్థులకు ప్రిపరేషన్ కోసం ఎక్కువ సమయం లభిస్తుందని తెలిపారు.
అలాగే ఈ ఏడాది ఎగ్జామ్ సిలబస్, ప్రాక్టికల్స్ లో జరగబోయే మార్పుల గురించి కూడా వివరించారు.సాధారణంగా ఇంటర్మీడియట్ సెకండ్ ఇయర్ లో ప్రాక్టికల్ ల్యాబ్స్ ఉంటాయి. కానీ ఈ ఏడాది.. ఇంటర్మీడియట్ ఫస్ట్ ఇయర్ లో కూడా ల్యాబ్స్, ప్రాక్టికల్ ఎగ్జామ్స్ ఉంటాయని తెలిపారు.
సిలబస్ మార్పులు
అలాగే 12 ఏళ్ళ తర్వాత ఇంటర్ సిలబస్ మార్పులు జరుగబోతున్నట్లు వెల్లయించారు. మ్యాథ్స్, కెమిస్ట్రీ, బోటనీ, జువాలజీ సబ్జెక్ట్స్ కి సంబంధించిన సిలబస్ మారబోతున్నట్లు తెలిపారు. జనవరి 21వ తేదీన ఫస్ట్ ఇయర్ విద్యార్థులకు ఇంగ్లీష్ ప్రాక్టికల్ పరీక్ష,జనవరి 23న ఎథిక్స్ అండ్ హ్యుమన్ వాల్యూస్, జనవరి 24న ఎన్విరాన్ మెంటల్ ఎడ్యుకేషన్ పరీక్ష ఉంటుంది. ఆ తర్వాత 25 నుంచి రాత పరీక్షలు ప్రారంభమవుతాయి.
పరీక్షల తేదీలు
ఇంటర్ ఫస్ట్ ఇయర్ రాత పరీక్షల ప్రారంభ తేదీ: ఫిబ్రవరి 25 నుంచి
సెకండ్ ఇయర్ రాత పరీక్షల ప్రారంభ తేదీ : ఫిబ్రవరి 26 నుంచి
ప్రాక్టికల్ పరీక్షలు
ప్రాక్టికల్స్ థియరీ పరీక్షలకు ముందుగా జనవరి చివరి వారంలో ప్రారంభమై, ఫిబ్రవరి మొదటి వారంలో ముగియనున్నాయి.
ఫీజు చెల్లింపు
నవంబర్ 1 నుంచి నుంచి నవంబర్ 11 వరకు ఆన్ లైన్ ద్వారా విద్యార్థులు పరీక్ష ఫీజులు చెల్లించవచ్చు.
Read hindi news: hindi.vaartha.com
Epaper: epaper.vaartha.com/
Read Also:
