X Updates: ఆర్టిఫిషియల్ ఇంటెలిజెన్స్ (AI) ఉపయోగించి సృష్టించిన యుద్ధ సంబంధిత వీడియోలను పోస్ట్ చేసే క్రియేటర్లకు ‘ఎక్స్’ (ట్విట్టర్) గట్టి హెచ్చరిక జారీ చేసింది. ఏఐతో రూపొందించిన కంటెంట్ను వాస్తవమైనదిగా చిత్రీకరిస్తే కఠిన చర్యలు తప్పవని స్పష్టం చేసింది. ఒకవేళ అది ఏఐ కంటెంట్ అని వెల్లడించకపోతే, సదరు క్రియేటర్లను 90 రోజుల పాటు రెవెన్యూ-షేరింగ్ ప్రోగ్రామ్ (ఆదాయం పొందే అవకాశం) నుంచి సస్పెండ్ చేయనున్నట్లు ప్రకటించింది.
Read Also: Middle East: మధ్యప్రాచ్యంపై యుద్ధ ప్రభావం: ఇతర దేశాలకు విస్తరిస్తున్న వైనం
వాస్తవికతను కాపాడేందుకే ఈ నిర్ణయం
ఈ విషయాన్ని ఎక్స్ ప్రొడక్ట్ హెడ్ నికితా బేర్ వెల్లడించారు. “ఏఐ టెక్నాలజీతో ప్రజలను తప్పుదోవ పట్టించే అవకాశం ఉన్నందున, యుద్ధ సమయాల్లో తప్పుడు సమాచారం వ్యాప్తిని అరికట్టడమే మా లక్ష్యం” అని ఆయన పేర్కొన్నారు. రెండోసారి కూడా నిబంధనలు ఉల్లంఘిస్తే, ఆదాయ ప్రోగ్రామ్ నుంచి శాశ్వతంగా తొలగిస్తామని హెచ్చరించారు. కమ్యూనిటీ నోట్స్ మరియు ఏఐ మెటాడేటా ద్వారా ఇలాంటి తప్పుడు కంటెంట్ను ఎక్స్ గుర్తించనుంది.
852 బిలియన్ డాలర్లతో మస్క్ సరికొత్త రికార్డు
ఇదిలా ఉంటే, ఎలాన్ మస్క్ సంపద చరిత్రలోనే మునుపెన్నడూ లేని స్థాయికి చేరుకుంది. స్పేస్ఎక్స్ సంస్థ, ఏఐ స్టార్టప్ xAIని కొనుగోలు చేయడంతో ఆయన ఆస్తుల విలువ ఏకంగా 852 బిలియన్ డాలర్లకు చేరింది. ప్రపంచంలోనే అత్యంత ధనవంతుడిగా 800 బిలియన్ డాలర్ల మార్కును దాటిన తొలి వ్యక్తిగా మస్క్ సరికొత్త రికార్డు సృష్టించారు.
Read hindi news: hindi.vaartha.com
Epaper: epaper.vaartha.com
Read Also:
