ఆర్బీఐ ద్రవ్య పరపతి నిర్ణయం నేపథ్యంలో గురువారం స్టాక్ మార్కెట్లు (Stock markets) సానుకూలంగా ముగిశాయి. ఇన్వెస్టర్లు జాగ్రత్తగా వ్యవహరించినప్పటికీ, మార్కెట్పై లాభాల ప్రభావం స్పష్టంగా కనిపించింది. సెన్సెక్స్ 443 పాయింట్లు పెరిగి 81,442 వద్ద స్థిరపడింది. నిఫ్టీ 130 పాయింట్లు ఎగిసి 24,750 దగ్గర ముగిసింది.నిఫ్టీ మిడ్క్యాప్ (Nifty Midcap) 100 సూచీ 378 పాయింట్లు పెరిగింది. ఇది 58,303 వద్ద ముగిసింది. నిఫ్టీ స్మాల్క్యాప్ 100 సూచీ 175 పాయింట్లు పెరిగి 18,432 వద్ద నిలిచింది. కొనుగోళ్ల ఉత్సాహం అన్ని స్థాయిల షేర్లలో కనిపించింది.ఆర్బీఐ గవర్నర్ సంజయ్ మల్హోత్రా శుక్రవారం కీలక ప్రకటన చేయనున్నారు. నిపుణుల అంచనాల ప్రకారం రెపో రేటు 0.25 శాతం తగ్గే అవకాశముంది.రియల్టీ, ఫార్మా, ఎఫ్ఎంసీజీ, ఐటీ రంగాలు లాభాల్లో ముగిశాయి. అయితే ఆటో, పీఎస్యూ బ్యాంకులు, మీడియా రంగాల్లో నష్టాలే కనిపించాయి.
మార్కెట్ సెంటిమెంట్పై అమెరికా ప్రభావం
అమెరికా ట్రెజరీ ఈల్డ్స్ తగ్గడం మార్కెట్కు మద్దతిచ్చింది. డాలర్ బలహీనత కూడా భారత మార్కెట్లకు సహకరించింది. కానీ అమెరికా-చైనా ఉద్రిక్తతలు ఇంకా అనిశ్చితిని కలిగిస్తున్నాయి.
గోల్డెన్ క్రాసోవర్ – బలమైన సానుకూల సంకేతం
డైలీ చార్ట్లో గోల్డెన్ క్రాసోవర్ ఏర్పడినట్లు విశ్లేషకులు చెబుతున్నారు. ఇది బలమైన అప్ట్రెండ్కు సూచనగా భావిస్తున్నారు. నిఫ్టీకి 24,500 వద్ద మద్దతు ఉంది.భారత రూపాయి విలువ పుంజుకుంది. విదేశీ పెట్టుబడులు, రిస్క్ సెంటిమెంట్ మెరుగవడం దీనికి దోహదం చేశాయి. ఇతర దేశీయ కరెన్సీల బలం కూడా సహాయపడింది.
ద్రవ్య లభ్యతపై మార్కెట్ దృష్టి
ద్రవ్యోల్బణ గణాంకాలు స్థిరంగా ఉండటంతో వడ్డీ రేటు తగ్గే అంచనాలు బలపడుతున్నాయి. రూపాయి భవిష్యత్తు, ఆర్బీఐ తీసుకునే ద్రవ్య విధానాలపై ఆధారపడినదే.
Read Also : England Team: భారత్ తో తోలి టెస్ట్ ఆడనున్న ఇంగ్లండ్ జట్టు
