రిలయన్స్ జియో మరియు డిస్నీ+ హాట్స్టార్ విలీనం తర్వాత స్ట్రీమింగ్ రంగంలో భారీ మార్పులు చోటుచేసుకుంటున్నాయి. తాజాగా వినియోగదారులకు షాక్ ఇస్తూ హాట్స్టార్ తన సబ్స్క్రిప్షన్ ప్లాన్ల ధరలను సవరించింది. జియో హాట్స్టార్ తన సేవలను జనవరి 28 నుండి కొత్త ధరలతో అందుబాటులోకి తీసుకువస్తోంది. ఈ సవరణలో భాగంగా ముఖ్యంగా దీర్ఘకాలిక ప్లాన్ల ధరలు భారీగా పెరిగాయి. ఇప్పటివరకు రూ.1,499 గా ఉన్న ‘ప్రీమియం వార్షిక ప్లాన్’ ధర ఏకంగా రూ.2,199 కి చేరుకుంది. అంటే ఒకేసారి రూ.700 మేర భారం పెరిగింది. అలాగే 3 నెలల (త్రైమాసిక) ప్లాన్ల ధరలను కూడా సూపర్ మరియు ప్రీమియం కేటగిరీల్లో సవరించారు. ఈ పెంపు ప్రధానంగా హై-డెఫినిషన్ (HD) మరియు 4K కంటెంట్ను కోరుకునే పెద్ద స్క్రీన్ వినియోగదారులపై ప్రభావం చూపనుంది.
BRS re entry : బీఆర్ఎస్లోకి రీఎంట్రీ? మహిపాల్ రెడ్డికి గ్రీన్ సిగ్నల్!
ధరలు పెంచినప్పటికీ, సామాన్య వినియోగదారులను ఆకర్షించేందుకు కంపెనీ కొన్ని కొత్త నెలవారీ ప్లాన్లను ప్రవేశపెట్టింది. తక్కువ ధరలో కంటెంట్ను వీక్షించాలనుకునే వారి కోసం రూ.79 కే మొబైల్ ప్లాన్ను అందుబాటులోకి తెచ్చింది. వీటితో పాటు సూపర్ కేటగిరీలో రూ.149, ప్రీమియం కేటగిరీలో రూ.299 నెలవారీ ప్లాన్లను కొత్తగా చేర్చింది. అయితే స్మార్ట్ఫోన్లలో మాత్రమే చూసే ‘మొబైల్ ప్లాన్’ వార్షిక ధరల్లో ఎలాంటి మార్పు చేయకపోవడం గమనార్హం. ఇది కేవలం చిన్న స్క్రీన్ వినియోగదారులకు ఊరటనిచ్చే అంశం.
ఈ పెరిగిన ధరలు కేవలం జనవరి 28 తర్వాత కొత్తగా సబ్స్క్రిప్షన్ తీసుకునే వారికి మాత్రమే వర్తిస్తాయని కంపెనీ స్పష్టం చేసింది. ఇప్పటికే యాక్టివ్ ప్లాన్ ఉన్న పాత సబ్స్క్రైబర్లు వారి ప్రస్తుత వాలిడిటీ ముగిసే వరకు పాత ధరల ప్రయోజనాలనే పొందవచ్చు. వినోద రంగంలో పోటీ పెరుగుతున్న తరుణంలో, ఐపీఎల్ వంటి భారీ క్రీడలు మరియు అంతర్జాతీయ కంటెంట్ హక్కుల కోసం చేస్తున్న ఖర్చును దృష్టిలో ఉంచుకుని ఈ ధరల పెంపు నిర్ణయం తీసుకున్నట్లు విశ్లేషకులు భావిస్తున్నారు.
Read hindi news: hindi.vaartha.com
Epaper : epaper.vaartha.com
