తమిళనాడు రాజకీయాల్లో 2026 అసెంబ్లీ ఎన్నికలు అత్యంత ఆసక్తిని రేకెత్తిస్తున్నాయి. ముఖ్యంగా అగ్ర నటుడు విజయ్ స్థాపించిన ‘తమిళగ వెట్రి కళగం’ (TVK) పార్టీ ఏ నియోజకవర్గంపై దృష్టి సారిస్తుందనే చర్చకు తెరపడింది. ఆ పార్టీ జనరల్ సెక్రటరీ అధవ్ అర్జున తాజా ప్రకటన ప్రకారం.. విజయ్ ఉత్తర చెన్నై (North Chennai) లోని ఒక నియోజకవర్గం నుంచి బరిలోకి దిగడం దాదాపు ఖాయమైంది. దశాబ్దాలుగా ఉత్తర చెన్నై వెనుకబాటుకు అధికార పార్టీ డీఎంకే (DMK) కారణమని టీవీకే మొదటి నుంచి విమర్శిస్తోంది. అభివృద్ధికి ఆమడ దూరంలో ఉన్న ఈ ప్రాంతాన్ని ఎంచుకోవడం ద్వారా, అధికార పార్టీ వైఫల్యాలను నేరుగా ప్రజల్లోకి తీసుకెళ్లాలని విజయ్ వ్యూహాత్మక అడుగు వేస్తున్నారు.
Hyderabad-Goa Greenfield Highway : హైదరాబాద్-గోవా గ్రీన్ఫీల్డ్ హైవేపై కీలక అప్డేట్
ఉత్తర చెన్నై రాజకీయంగా అత్యంత కీలకమైనది మాత్రమే కాకుండా, శ్రామిక వర్గం మరియు సామాన్య ప్రజలు ఎక్కువగా ఉండే ప్రాంతం. ఇక్కడి ప్రజల సమస్యలను పరిష్కరిస్తామని, తాము అధికారంలోకి వస్తే చేపట్టబోయే అభివృద్ధి పనులను వివరిస్తూ విజయ్ తన ఎన్నికల ప్రచారాన్ని హోరెత్తించే అవకాశం ఉంది. ఇప్పటికే ఎన్నికల కమిషన్ టీవీకే పార్టీకి ‘విజిల్’ గుర్తును కేటాయించడంతో కేడర్లో ఉత్సాహం నెలకొంది. నియోజకవర్గాల పరంగా చూస్తే పెరంబూర్ లేదా ఆర్కే నగర్ వంటి స్థానాల నుంచి ఆయన పోటీ చేసే అవకాశం ఉందని రాజకీయ విశ్లేషకులు భావిస్తున్నారు. చెన్నై నడిబొడ్డు నుంచి పోటీ చేయడం ద్వారా రాష్ట్రవ్యాప్తంగా ప్రభావం చూపవచ్చని విజయ్ భావిస్తున్నారు.
Read Also hindi news: hindi.vaartha.com
Read Also Epaper : epaper.vaartha.com
