ప్రభాస్ హీరోగా, సందీప్ రెడ్డి వంగా దర్శకత్వంలో తెరకెక్కుతున్న ‘స్పిరిట్’ (Spirit ) సినిమా గురించి ప్రతి రోజు సోషల్ మీడియాలో కొత్త కొత్త అప్డేట్లు చక్కర్లు కొడుతున్నాయి. ఇప్పటికే ‘అర్జున్ రెడ్డి’, ‘కబీర్ సింగ్’, ‘ఆనిమల్’ వంటి సినిమాలతో సందీప్ రెడ్డి వంగా తనదైన శైలిని చూపించినందున, ఈసారి ప్రభాస్తో తీస్తున్న సినిమా ఎలా ఉండబోతుందో ప్రేక్షకుల్లో విపరీతమైన కుతూహలం నెలకొంది. ప్రభాస్ కెరీర్లో కూడా ఈ సినిమా ఒక కీలక మైలురాయిగా భావిస్తున్నారు.
తాజాగా బయటకు వచ్చిన సమాచారం ప్రకారం..ఈ సినిమాలో విలన్గా బాలీవుడ్ యాక్టర్ వివేక్ ఒబెరాయ్ (vivek oberoi) నటించనున్నాడనే ప్రచారం జోరుగా సాగుతోంది. అతని విభిన్న నటన, ప్రభాస్తో సీన్లలో ఉండే టెన్షన్ ఈ చిత్రానికి ప్రధాన ఆకర్షణగా మారుతుందనేది అభిమానుల అభిప్రాయం. అంతేకాక, ఓ కీలక పాత్రలో ‘ప్రేమమ్’ ఫేమ్ మడోన్నా సెబాస్టియన్ కనిపించనున్నారన్న వార్తలు కూడా వెలుగులోకి వచ్చాయి. అయితే ఈ విషయాలపై అధికారికంగా మూవీ టీమ్ నుంచి ఎలాంటి స్పష్టత రాలేదు.
సినీ వర్గాల సమాచారం ప్రకారం ‘స్పిరిట్’ షూటింగ్ వచ్చే నెల 5న ప్రారంభం కానుంది. ఇప్పటికే సెట్ వర్క్, క్యారెక్టర్ డిజైనింగ్ వంటి ప్రీ–ప్రొడక్షన్ పనులు దాదాపు పూర్తి చేశారు. ప్రభాస్ యాక్షన్ సీన్లు, సందీప్ రెడ్డి వంగా కథనం ఈ సినిమాకు హైలైట్ అవుతాయని అభిమానులు ఆశిస్తున్నారు. ఈ చిత్రం రిలీజ్ తేదీపై అధికారిక ప్రకటన రాకపోయినా, పాన్ ఇండియా లెవెల్లో భారీ బడ్జెట్తో తెరకెక్కుతున్న ఈ సినిమా విడుదలయ్యే సమయానికి రికార్డులు బద్దలు కొడుతుందని విశ్లేషకులు అంటున్నారు.
