యంగ్ హీరో రామ్ పోతినేని (Ram) నటిస్తున్న కొత్త చిత్రం #RAPO22 తాజా అప్డేట్ టాలీవుడ్ లో ఆసక్తిని రేపుతోంది. భాగ్యశ్రీ బోర్సే కథానాయికగా నటిస్తున్న ఈ చిత్రంలో ప్రముఖ నటుడు ఉపేంద్ర (Upendra) ముఖ్య పాత్రలో కనిపించనున్నారు. “అందనివాడు… అందరివాడు మన సూర్యకుమార్” అంటూ మేకర్స్ ఉపేంద్ర లుక్ను సోషల్ మీడియాలో షేర్ చేశారు. దీన్ని అభిమానులు విశేషంగా ఆదరిస్తున్నారు.
యూత్ఫుల్ రొమాంటిక్ ఎంటర్టైనర్
ఈ చిత్రాన్ని దర్శకుడు మహేశ్ బాబు (Mahesh Babu) నిర్వహిస్తుండగా, యూత్ఫుల్ రొమాంటిక్ ఎంటర్టైనర్గా రూపొందుతోంది. రామ్ కెరీర్లో మళ్లీ ఒక హైపైంట్ అయ్యే చిత్రంగా ప్రేక్షకులు భావిస్తున్నారు. టెక్నికల్ టీమ్ పరంగా చూస్తే, ఈ సినిమా భారీ స్థాయిలో నిర్మించబడుతుండగా, నటీనటులు, సాంకేతిక నిపుణుల సెలెక్షన్కు ప్రత్యేక శ్రద్ధ తీసుకుంటున్నారు.
వివేక్-మార్విన్ సంగీతం
మ్యూజిక్ డైరెక్టర్లు వివేక్-మార్విన్ ఈ చిత్రానికి సంగీతం అందిస్తున్నారు. ఇప్పటికే ఫ్యాన్స్ ఆడియోపై భారీ అంచనాలు పెట్టుకున్నారు. మేకర్స్ ఈ నెల 15న టైటిల్ గ్లింప్స్ను విడుదల చేయనున్నట్లు అధికారికంగా ప్రకటించారు. ఈ మూవీ గురించి మరిన్ని విశేషాలను త్వరలో వెల్లడించనున్నారు, అప్పటివరకు అభిమానులు ఈ కొత్త అప్డేట్తో హ్యాపీగా ఉన్నారు.
Read Also : Encounter In Chhattisgarh : 20 మంది నక్సల్స్ మృతి
