kerala syllabus reduction : దేశంలో అక్షరాస్యతలో అగ్రగామిగా నిలిచిన కేరళ రాష్ట్రం విద్యారంగంలో మరో కీలక నిర్ణయం తీసుకుంది. పదో తరగతి విద్యార్థులపై పెరుగుతున్న అకడమిక్ ఒత్తిడిని తగ్గించేందుకు సిలబస్ను 25 శాతం తగ్గించాలని ప్రభుత్వం నిర్ణయించింది. ఈ నిర్ణయం విద్యార్థులు, తల్లిదండ్రులకు ఊరటనిచ్చే వార్తగా మారింది.
కొల్లాంలో జరిగిన కార్యక్రమంలో రాష్ట్ర విద్యాశాఖ మంత్రి వి. శివన్కుట్టి ఈ విషయాన్ని అధికారికంగా ప్రకటించారు. వచ్చే విద్యా సంవత్సరం నుంచే ఈ కొత్త విధానం అమల్లోకి రానుందని తెలిపారు. సిలబస్ అధికంగా ఉండటంతో విద్యార్థులపై మానసిక ఒత్తిడి పెరుగుతోందనే ఫిర్యాదులు రావడంతో నిపుణుల సలహాలతో ఈ నిర్ణయం తీసుకున్నట్లు చెప్పారు.
Read Also: Leopard Attack: అనంతపురం జిల్లాలో మహిళపై చిరుతపులి దాడి
అయితే సిలబస్ తగ్గించినా, పాఠ్యాంశాల నాణ్యత లేదా ముఖ్యమైన అంశాలు తొలగించబోవడం లేదని మంత్రి స్పష్టం చేశారు. అవసరం లేని పునరావృత అంశాలను మాత్రమే తీసివేస్తామని, విద్యార్థులకు సులభంగా అర్థమయ్యేలా కంటెంట్ను క్రమబద్ధీకరిస్తామని పేర్కొన్నారు.
ఇక కొందరు నిపుణులు ఈ నిర్ణయంపై ఆందోళన వ్యక్తం చేసినప్పటికీ, విద్యా వ్యవస్థ బలహీనపడదని ప్రభుత్వం హామీ ఇచ్చింది. విద్యార్థుల మానసిక ఆరోగ్యం, నాణ్యమైన విద్య రెండింటినీ సమతుల్యం చేయడమే తమ లక్ష్యమని మంత్రి వెల్లడించారు.
Read hindi news: hindi.vaartha.com
Epaper: epapervaartha.com
Read Also:
