తెలంగాణ రాష్ట్ర రాజకీయాల్లో కీలక పాత్ర పోషిస్తున్న మాజీ మంత్రి, బీఆర్ఎస్ నేత తన్నీరు హరీశ్ రావు ఇంట విషాదం నెలకొంది. ఆయన తండ్రి తన్నీరు సత్యనారాయణరావు ఈ తెల్లవారుజామున కన్నుమూసిన సంగతి తెలిసి రాజకీయ వర్గాల్లో శోకసంద్రం అలుముకుంది. వృద్ధాప్య సమస్యలతో బాధపడుతున్న ఆయన, చికిత్స పొందుతూ కన్నుమూశారు. కరీంనగర్ జిల్లా కొత్తపల్లి గ్రామానికి చెందిన సత్యనారాయణరావు, కుటుంబానికి మాత్రమే కాదు, గ్రామానికీ ఘనత తీసుకొచ్చిన వ్యక్తిగా పేరు పొందారు.
Latest News: Electronics: ఆత్మనిర్భర్ భారత్లో కొత్త అడుగు – ₹5500 కోట్లతో 7 ఎలక్ట్రానిక్ యూనిట్లు
సత్యనారాయణరావు సాధారణ కుటుంబం నుంచి వచ్చినప్పటికీ, మంచి విలువలు, నిష్ఠ కలిగిన వ్యక్తిగా అందరూ గుర్తిస్తున్నారు. తన పిల్లలను ఉన్నత స్థానాలకు చేర్చేందుకు చూపిన పట్టుదలే హరీశ్ రావును రాష్ట్ర రాజకీయాల్లో శక్తివంతమైన నేతగా ఎదగేలా చేసింది. కుటుంబానికి బలమైన వెన్నెముకలా ఆయన ఎప్పుడూ నిలిచారు. సామాన్య ప్రజల సమస్యలు తెలిసి, వారి కష్టాలు తన కష్టాలుగా భావించే హృదయం ఆయనది. గ్రామస్తుల అభివృద్ధి కోసం అనేక సేవా కార్యక్రమాల్లో ప్రత్యక్షంగా పాల్గొనడం ఆయన స్వభావం.
సత్యనారాయణ మృతి వార్త తెలిసిన వెంటనే మాజీ ముఖ్యమంత్రి కేసీఆర్, కేటీఆర్తో పాటు పలువురు బీఆర్ఎస్ నేతలు సంతాపం వ్యక్తం చేశారు. హరీశ్ రావు కుటుంబ సభ్యులకు ధైర్యం చెప్పేందుకు పలువురు నాయకులు, అభిమానులు చేరుకోవడం ప్రారంభించారు. రాజకీయాల్లో బిజీగా ఉండే తానే కాక, పిల్లలపై తండ్రి చూపిన ప్రేమ, మార్గనిర్దేశం ఎల్లప్పుడూ హరీశ్ రావును ముందుకు నడిపిందని స్ర్తోత్రాలు చెబుతున్నాయి. సత్యనారాయణకు నివాళులర్పిస్తూ, ఆయన కుటుంబానికి అన్ని వర్గాల నుంచి సానుభూతి వెల్లువడుతోంది.
Read hindi news: https://hindi.vaartha.com
Epaper : https://epaper.vaartha.com/
