Women’s Day 2026: అంతర్జాతీయ మహిళా దినోత్సవం సందర్భంగా ఆంధ్రప్రదేశ్ హోంమంత్రి వంగలపూడి అనిత రాష్ట్రంలోని ఆడబిడ్డలందరికీ హృదయపూర్వక శుభాకాంక్షలు తెలిపారు. సమాజ ప్రగతిలో మహిళల పాత్ర వెలకట్టలేనిదని, ప్రతి అడుగులో వారి ధైర్యం, సంకల్పం నవ సమాజ నిర్మాణానికి పునాదులని ఆమె కొనియాడారు. మహిళల భద్రత, గౌరవం, సాధికారత కోసం కూటమి ప్రభుత్వం నిరంతరం శ్రమిస్తుందని భరోసా ఇచ్చారు.
Read Also: War Effect : విశాఖ నుంచి వెళ్లిన 10 వేల కంటైనర్లు వెనక్కి!
ఆరోగ్యమే మహాభాగ్యం.. పని ఒత్తిడిలో ఆరోగ్యాన్ని నిర్లక్ష్యం చేయవద్దు!
మహిళల ఆరోగ్యంపై మంత్రి అనిత కీలక వ్యాఖ్యలు చేశారు. “కుటుంబంలో మహిళ ఆరోగ్యంగా ఉంటేనే ఆ కుటుంబం, తద్వారా సమాజం ఆరోగ్యంగా ఉంటుంది” అని ఆమె పేర్కొన్నారు. చాలామంది మహిళలు పని ఒత్తిడిలో పడి తమ సొంత ఆరోగ్యం గురించి పట్టించుకోవడం లేదని, ఈ ధోరణి మారాలని సూచించారు. ప్రతి మహిళ తన ఆరోగ్యంపై ప్రత్యేక దృష్టి సారించాలని, ‘ఆరోగ్యమే మహాభాగ్యం’ అని భావించాలని ఆమె పిలుపునిచ్చారు.
Read hindi news: hindi.vaartha.com
Epaper: epaper.vaartha.com
Read Also:
