వైసీపీ నేత వల్లభనేని వంశీ రెండో రోజు కస్టడీ విచారణ పూర్తయింది. విజయవాడ కృష్ణలంక పోలీస్ స్టేషన్లో 5 గంటలపాటు పోలీసులు వంశీని ప్రశ్నించారు. కృష్ణలంక పీఎస్లో 5 గంటలపాటు ఆయనను పోలీసులు విచారించారు. టెక్నికల్ ఎవిడెన్స్ చూపించి సత్యవర్ధన్ కిడ్నాప్, బెదిరింపుల వెనుక ఎవరున్నారన్న కోణంలో ప్రశ్నించినట్లు సమాచారం. వంశీతో పాటు మరో ఇద్దరు నిందితులను కూడా పోలీసులు విచారించారు.
వైద్య పరీక్షల అనంతరం జైలుకు తరలింపు
కస్టడీ ముగిసిన వెంటనే వంశీని వైద్య పరీక్షల కోసం ఆసుపత్రికి తరలించారు. అక్కడ ఆరోగ్య పరిస్థితిని పరిశీలించిన అనంతరం విజయవాడ జిల్లా జైలుకు తరలించే ఏర్పాట్లు చేశారు. పోలీసులు ఈ కేసులో మరిన్ని కీలక విషయాలు వెలుగులోకి రావొచ్చని భావిస్తున్నారు. విచారణలో అతని ఫోన్ కాల్ డేటా, ఆడియో రికార్డింగ్లు, సిసిటీవీ ఫుటేజ్ ఆధారంగా మరింత సమాచారం సేకరించనున్నట్లు తెలుస్తోంది.
కేసుపై మరింత స్పష్టత రానుందా?
వల్లభనేని వంశీ కేసు ఆంధ్రప్రదేశ్లో రాజకీయంగా పెను ప్రకంపనలు రేపుతోంది. ప్రస్తుతం జరుగుతున్న విచారణలో కొత్త కోణాలు వెలుగు చూస్తున్నాయని, పోలీసులు త్వరలోనే పూర్తి వివరాలు బయటపెట్టే అవకాశముంది. ఇక ఈ కేసుకు సంబంధించి వైసీపీ, టీడీపీ వర్గాల్లో మాటల యుద్ధం ముదురుతోంది. వంశీపై రాజకీయ దాడి జరుగుతోందా? లేక నిజంగానే ఈ ఘటన వెనుక ఉన్నారా? అన్నదానిపై ఏపీ రాజకీయాల్లో ఆసక్తికర చర్చ నడుస్తోంది.
