ఆంధ్రప్రదేశ్ డిప్యూటీ సీఎం పవన్ కల్యాణ్ హిందూ భావోద్వేగాలను రక్షించేందుకు ‘సనాతన ధర్మ పరిరక్షణ బోర్డు’ ఏర్పాటు చేయాల్సిన అవసరాన్ని ప్రస్తావించారు. ఆయన మాట్లాడుతూ, తిరుమల తిరుపతి దేవస్థానం(TTD) ప్రపంచవ్యాప్తంగా ఉన్న హిందువులకోసం కేవలం పుణ్యక్షేత్రం మాత్రమే కాకుండా, అది ఆధ్యాత్మిక కేంద్రంగా కూడా నిలుస్తుందని పేర్కొన్నారు.
తిరుపతి లడ్డూ ప్రాముఖ్యతపై పవన్ కల్యాణ్
తిరుపతి లడ్డూ ప్రాముఖ్యతపై పవన్ కల్యాణ్ అన్నారు తిరుపతి లడ్డూ కేవలం ఒక స్వీట్ కాదు, అది మన అందరి సామూహిక విశ్వాసానికి ప్రతీక. స్నేహితులతో, కుటుంబ సభ్యులతో, ఆపరిచితులతో కూడా ఆ ప్రసాదాన్ని పంచుకోవడం మన భక్తి గాఢతను సూచిస్తుంది. ప్రతీ సంవత్సరం సగటున 2.5 కోట్ల మంది భక్తులు తిరుమలను దర్శించుకుంటారని ఆయన గుర్తు చేశారు.
Read Also: Delhi Blast: పేలుళ్లకు ముందే ‘రెడ్డిట్’లో పోస్ట్ చేసిన స్టూడెంట్
TTD: సనాతన ధర్మాన్ని కించపరిచే వ్యాఖ్యలు, ఆచారాలపై ఎగతాళి చేయడం భక్తుల మనోభావాలను దెబ్బతీస్తుందని పవన్ కల్యాణ్ హెచ్చరించారు. లౌకికవాదం రెండు వైపులా ఉండాలని, కానీ మన విశ్వాసానికి గౌరవం ఇవ్వడంలో రాజీ పడకూడదని స్పష్టం చేశారు.
సనాతన ధర్మం ప్రాచీనమైనది మాత్రమే కాదు, నిరంతరం అభివృద్ధి చెందుతున్న నాగరికత అని పేర్కొంటూ, ఇప్పుడు ఆ ధర్మ పరిరక్షణ కోసం ప్రత్యేక బోర్డు ఏర్పాటు అవసరమని పవన్ కల్యాణ్ అభిప్రాయపడ్డారు.
ఇక మరోవైపు నటుడు ప్రకాశ్ రాజ్ కూడా సోషల్ మీడియాలో ఈ అంశంపై స్పందించారు. తిరుపతి లడ్డూ వివాదంపై మాట్లాడుతూ, పాలు లేని కల్తీ నెయ్యిలో మతోన్మాదాన్ని కలపకుండా, కల్తీ రాజకీయం చేయకుండా, తప్పు చేసిన వారిపై చర్య తీసుకోవాలని ఎక్స్లో ట్వీట్ చేశారు.\
Read hindi news: hindi.vaartha.com
Epaper : epaper.vaartha.com/
Read Also:
