Nellore District Crime Review: జిల్లా పోలీస్ కార్యాలయంలోని ఉమేష్ చంద్ర కాన్ఫరెన్స్ హాల్ నందు జిల్లా పోలీసు అధికారులతో ఎస్పీ అజిత వేజెండ్ల నేర సమీక్షా సమావేశం నిర్వహించారు. ఈ సందర్భంగా జిల్లాలో శాంతిభద్రతల పరిరక్షణ మరియు పెండింగ్ కేసుల దర్యాప్తుపై అధికారులకు కీలక దిశానిర్దేశం చేశారు.
Read Also: Nellore Housing Progress: పేదల సొంత ఇంటి కల నెరవేర్చడమే లక్ష్యం:హిమాన్షు శుక్లా
Nellore District Crime Review: స్మార్ట్ పోలీసింగ్ మరియు ఆధునిక సాంకేతికత
ఆధునిక సాంకేతికత, డేటా విశ్లేషణ, సీసీటీవీ నిఘా, డ్రోన్లు మరియు డిజిటల్ ప్లాట్ఫారమ్లను వినియోగించి ‘స్మార్ట్ పోలీసింగ్’ ద్వారా నేరాలను ముందుగానే గుర్తించాలని ఎస్పీ తెలిపారు. ప్రజలకు వేగవంతమైన, పారదర్శకమైన సేవలు అందించడమే లక్ష్యంగా పనిచేయాలన్నారు. గ్రీవెన్స్ పిటిషన్లను తక్షణమే పరిష్కరించాలని, డయల్ 112 కాల్స్ వచ్చిన వెంటనే సంఘటనా స్థలానికి చేరుకోవాలని సూచించారు.
రౌడీ షీటర్లపై నిఘా మరియు ఓపెన్ డ్రింకింగ్ నియంత్రణ
బహిరంగ ప్రదేశాల్లో మద్యం సేవించడం (Open Drinking) వల్ల నేరాలు పెరుగుతాయని, దీనిపై ప్రత్యేక డ్రైవ్ చేపట్టాలని ఆదేశించారు. రౌడీ షీటర్ల కదలికలపై నిరంతరం నిఘా ఉంచాలని, నిబంధనలు అతిక్రమిస్తున్న వారి బెయిల్ రద్దు చేయించి కోర్టు ద్వారా రిమాండ్కు పంపాలని స్పష్టం చేశారు. అనుమానిత ప్రాంతాలలో కార్డన్ ఆపరేషన్స్ నిర్వహించాలని, రాత్రి గస్తీని ముమ్మరం చేయాలని అధికారులకు సూచించారు.
రోడ్డు భద్రత మరియు డ్రోన్ సర్వైలెన్స్
రోడ్డు ప్రమాదాలను తగ్గించేందుకు ఇతర ప్రభుత్వ విభాగాలతో కలిసి బ్లాక్ స్పాట్స్ను సందర్శించి తగు చర్యలు తీసుకోవాలని కోరారు. ముఖ్యమైన ప్రాంతాల్లో సీసీ కెమెరాల ఏర్పాటుపై ప్రజలకు అవగాహన కల్పించాలని, డ్రోన్ సర్వైలెన్స్ విరివిగా చేయాలని ఆదేశించారు. విలేజ్ విజిట్ ద్వారా క్షేత్రస్థాయి సమస్యలను ముందే గుర్తించి పరిష్కరించవచ్చని తెలిపారు.
పెండింగ్ కేసులపై సమీక్ష
అనంతరం జిల్లాలో పెండింగ్ లో ఉన్న గ్రేవ్ మరియు నాన్ గ్రేవ్ కేసులు, హత్యలు, పోక్సో, రేప్, డెకాయిటి, రాబరీ, వాహనాల దొంగతనం, మిస్సింగ్ మరియు చీటింగ్ కేసులపై సర్కిల్ వారీగా సమీక్షించారు. మిస్సింగ్ కేసుల కోసం ప్రత్యేక బృందాలను ఏర్పాటు చేసి వెంటనే ఛేదించాలని, పెండింగ్ దర్యాప్తులను పూర్తి చేసి రికవరీలపై దృష్టి సారించాలని ఆదేశించారు.
ఈ సమావేశంలో అడిషనల్ ఎస్పీ (అడ్మిన్) సి.హెచ్. సౌజన్యతో పాటు ఇతర జిల్లా పోలీసు అధికారులు పాల్గొన్నారు.
Read hindi news: hindi.vaartha.com
Epaper: epaper.vaartha.com
Read Also:
