Sharmila

విశాఖ ఉక్కు కర్మాగారాన్ని ప్రైవేటీకరించేందుకు ప్రధాని నరేంద్ర మోదీ ‘ఆపరేషన్ సైలెంట్ కిల్లింగ్’ మొదలుపెట్టారని ఏపీ కాంగ్రెస్ అధ్యక్షురాలు వైఎస్ షర్మిల(YS Sharmila) సంచలన ఆరోపణలు చేశారు. లక్షల కోట్ల విలువైన స్టీల్ ప్లాంట్ భూములను కైవసం చేసుకునేందుకు ఈ కుట్ర జరుగుతోందని ఆమె తీవ్రస్థాయిలో విమర్శించారు. విశాఖ స్టీల్ ప్లాంట్ పరిరక్షణపై ఎంబీ భవన్‌లో నిర్వహించిన అఖిలపక్ష సమావేశంలో ఆమె ఈ వ్యాఖ్యలు చేశారు.

ప్రైవేటీకరణపై రాజకీయ నాటక

స్టీల్ ప్లాంట్(Steel plant) ప్రైవేటీకరణ విషయంలో బీజేపీ (BJP) నాటకాలు ఆడుతోందని షర్మిల ఆరోపించారు. రాష్ట్రంలోని 25 మంది ఎంపీలు బీజేపీకి మద్దతు పలుకుతున్నారని విమర్శించారు. గతంలో ప్రతిపక్ష నేతగా ఉన్న చంద్రబాబు,(Chandrababu) స్టీల్ ప్లాంట్ పరిరక్షణ కోసం టీడీపీ ఎంపీలు రాజీనామా చేస్తారని కేంద్రానికి లేఖ రాశారని, కానీ ఇప్పుడు ఎందుకు మౌనంగా ఉన్నారని ప్రశ్నించారు. టీడీపీ, జనసేన బీజేపీతో బహిరంగ పొత్తు పెట్టుకుంటే, వైసీపీ రహస్యంగా పొత్తు పెట్టుకుందని ఆమె అన్నారు. స్వార్థ రాజకీయాల కోసం ఈ పార్టీలన్నీ కలిసి బీజేపీకి సహకరిస్తున్నాయని షర్మిల పేర్కొన్నారు.

ఎంపీల మధ్య ఐకమత్యం లేకపోవడంపై విమర్శలు

విశాఖ స్టీల్ ప్లాంట్ విషయంలో రాష్ట్ర ఎంపీల మధ్య ఐకమత్యం లేదని షర్మిల అన్నారు. పార్లమెంట్‌లో స్టీల్ ప్లాంట్‌ను అమ్ముతున్నామని చెప్పినా ఎవరూ మాట్లాడలేదని, పోలవరం ఎత్తు తగ్గించినా ఐకమత్యం లేదని విమర్శించారు. ప్రజాస్వామ్యబద్ధంగా ఎన్నికైన ఎంపీలు రాష్ట్ర ప్రయోజనాల కోసం పోరాడాలని ఆమె అన్నారు.

విశాఖ స్టీల్ ప్లాంట్ భూముల విలువ సుమారు రూ.4 నుంచి 5 లక్షల కోట్లు ఉంటుందని, 20 వేల ఎకరాల భూముల కోసమే ఈ కుట్ర జరుగుతోందని షర్మిల ఆరోపించారు. అందుకే ప్లాంట్‌కు ముడిసరుకు, క్యాప్టివ్ మైన్స్, లాజిస్టిక్స్ ఇవ్వడం లేదని ఆమె అన్నారు. ఈ అంశంపై పార్లమెంట్ వేదికగా రాష్ట్ర ఎంపీలు అందరూ ఉద్యమం చేయాలని కాంగ్రెస్ పార్టీ తరపున డిమాండ్ చేశారు. స్టీల్ ప్లాంట్ కోసం కాంగ్రెస్ పార్టీ పోరాటం కొనసాగిస్తుందని షర్మిల స్పష్టం చేశారు.

వైఎస్ షర్మిల ఏ పథకంపై ‘ఆపరేషన్ సైలెంట్ కిల్లింగ్’ అని ఆరోపించారు? విశాఖ స్టీల్ ప్లాంట్ ప్రైవేటీకరణపై ఆమె ఈ వ్యాఖ్యలు చేశారు.

ఈ కుట్ర వెనుక ప్రధాన కారణం ఏమిటని షర్మిల ఆరోపించారు?

లక్షల కోట్ల విలువైన స్టీల్ ప్లాంట్ భూములను కైవసం చేసుకోవడమే ప్రధాన కారణమని షర్మిల ఆరోపించారు.

Read hindi news: hindi.vaartha.com