ఎస్ఎల్బీసీ ఏడుగురిని గుర్తించేందుకు రోబోటిక్ సహాయక చర్యలు సురంగ మార్గంలో సహాయక చర్యలు ముమ్మరంగా కొనసాగుతున్నాయి. ప్రమాదం జరిగిన ఇరవై రోజులైనా ఇప్పటికీ బాధితుల జాడ పూర్తిగా తెలియరాలేదు. ఫిబ్రవరి 22న జరిగిన ఈ ప్రమాదంలో ఎనిమిది మంది కార్మికులు చిక్కుకుపోగా నాలుగు రోజుల క్రితం ఒకరి మృతదేహాన్ని వెలికితీశారు. అయితే మిగిలిన ఏడుగురి ఆచూకీ కోసం ప్రయత్నాలు ఇంకా కొనసాగుతున్నాయి. రక్షణ బృందాలు బహుముఖంగా ప్రయత్నాలు చేపట్టాయి. సింగరేణి రెస్క్యూ బృందాలతో పాటు ర్యాట్ మైనర్స్, ఎన్డీఆర్ఎఫ్, ఎస్డీఆర్ఎఫ్, హైడ్రా యంత్రాలు, దక్షిణ మధ్య రైల్వే, అన్వి రోబోటిక్స్, కేరళ క్యాడవర్ డాగ్స్ టీమ్లు సహాయక చర్యల్లో పాల్గొంటున్నాయి. వీరందరూ మిగిలిన ఏడుగురు ఉన్నట్లు భావిస్తున్న డీ-1, డీ-2 ప్రాంతాల్లో తవ్వకాలను చేపట్టారు. ప్రభుత్వం ఈ ఘటనను అత్యంత ప్రాముఖ్యతనిస్తూ, నిరంతరం సహాయక చర్యలను పర్యవేక్షిస్తోంది.
కార్మికుల కుటుంబసభ్యులు ఎంతో ఆందోళనతో ఎదురుచూస్తున్నారు.ఇప్పటికీ వారిలో ఆశ చావలేదని వారి ప్రాణాలు కాపాడేందుకు ప్రభుత్వం అన్నీ ప్రయత్నాలు చేస్తోందని అధికార వర్గాలు చెబుతున్నాయి.దిగువ ప్రాంతాల్లో తవ్వకాల ద్వారా కార్మికుల జాడ తెలుసుకునే ప్రయత్నాలు ముమ్మరంగా సాగుతున్నాయి. ఈ తవ్వకాల్లో అత్యాధునిక టెక్నాలజీని ఉపయోగిస్తూ, బలమైన పరికరాలను వినియోగిస్తున్నారు. ప్రత్యేకంగా, రోబోటిక్ కెమెరాల ద్వారా లోపల పరిస్థితులను గమనిస్తూ చర్యలు తీసుకుంటున్నారు.ఇలాంటి ఆపద సమయాల్లో సహాయక చర్యలు ఎంత శ్రమతో కూడుకున్నవో, ఎంత క్లిష్టంగా ఉంటాయో ఈ ఘటన మరోసారి రుజువు చేసింది. దేశవ్యాప్తంగా ఉన్న అత్యుత్తమ బృందాలు కలిసి, మిగిలిన కార్మికుల ప్రాణాలను రక్షించేందుకు నిరంతరం శ్రమిస్తున్నాయి. సహాయక చర్యలు ఎప్పుడు పూర్తవుతాయో స్పష్టంగా చెప్పలేకపోయినా, త్వరలోనే మంచి వార్త వినిపించవచ్చని అధికారులు ఆశాభావం వ్యక్తం చేస్తున్నారు.
