Rayalaseema groundnut prices: రాయలసీమ ప్రాంతంలోని వేరుశనగ రైతులకు ఈ సీజన్లో ఊహించని శుభవార్త లభించింది. మార్కెట్ చరిత్రలో ఎప్పుడూ లేనంతగా వేరుశనగ ధరలు రికార్డు స్థాయికి చేరాయి. కర్నూలు జిల్లా ఆదోని వ్యవసాయ మార్కెట్లో శుక్రవారం రోజున వేరుశనగ క్వింటాల్ ధర రూ.9,652గా నమోదై కొత్త రికార్డు సృష్టించింది. ఈ ధరలు రైతుల్లో ఆనందం నింపుతున్నాయి.
Read Also: Guntur Road Accident: ఆటో–బైక్ ఢీ.. అక్కడికక్కడే మహిళ మృతి
గత ఏడాది వేరుశనగ ధరలు ఆశించిన స్థాయిలో లేకపోవడంతో రైతులు భారీ నష్టాలను ఎదుర్కొన్నారు. అయితే ఈ ఏడాది పరిస్థితి పూర్తిగా మారింది. ప్రస్తుతం మార్కెట్లో ఉన్న అధిక ధరలతో రైతులకు పెట్టుబడి ఖర్చులు తిరిగి వచ్చే అవకాశం ఏర్పడింది. ముఖ్యంగా బోరు బావులు, కాలువల కింద సాగు చేసిన వేరుశనగ(groundnut prices) పంట ఇప్పుడు రైతుల చేతికి రావడంతో ఆదాయం పెరుగుతోంది.
వ్యాపార వర్గాల సమాచారం ప్రకారం, అంతర్జాతీయ మార్కెట్లో నూనె గింజలకు డిమాండ్ పెరగడం వల్లే దేశీయంగా వేరుశనగ ధరలు భారీగా పెరిగాయి. ఎగుమతుల పెరుగుదల, నిల్వలు తగ్గడం కూడా ధరల పెరుగుదలకు ప్రధాన కారణాలుగా చెబుతున్నారు. ఈ ప్రభావంతో రాయలసీమతో పాటు ఇతర ప్రాంతాల్లోనూ వేరుశనగ ధరలు స్థిరంగా కొనసాగుతున్నాయి.
ప్రస్తుత ధరలు కొనసాగితే, రాబోయే రోజుల్లో వేరుశనగ సాగుపై రైతుల ఆసక్తి మరింత పెరిగే అవకాశం ఉందని వ్యవసాయ నిపుణులు అభిప్రాయపడుతున్నారు. రైతులు కూడా ఈ సీజన్ తమకు లాభదాయకంగా మారిందని సంతోషం వ్యక్తం చేస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
