సినిమా ఈవెంట్స్లో రాజకీయాలు మింగుడు పడవు! ఈ వివాదం సినీ ప్రముఖులకు ఒక గుణపాఠంగా మారింది. సినిమా వేదికలపై రాజకీయ వ్యాఖ్యలు చేయకుండా ఉండటం అత్యవసరం. బండ్ల గణేష్ వంటి వారు ఇప్పటికే పృథ్వీపై విమర్శలు గుప్పిస్తున్నారు. లైలా ఈవెంట్లో కమెడియన్ పృథ్వీ మాట్లాడిన మాటలు, కావాలని 11 నంబర్ తీసుకొచ్చి మరీ చేసిన రచ్చ చివరకు వివాదంగా మారింది. లైలా మూవీని బాయ్ కాట్ చేస్తామంటూ వైసీపీ శ్రేణులు ట్రెండ్ చేశారు. అది చూసి దెబ్బకు విశ్వక్ సేన్కు వణుకు పుట్టింది. విడుదలకు ముందే సినిమాను కిల్ చేసేలా ఉన్నారే అని ఖంగారు పడ్డాడు. అతనితో మాకు ఏ సంబంధం లేదు.. అసలు ఆ సీన్ కూడా సినిమాలో లేదు.. అతను ఎందుకు అలా చెప్పాడో మాకు తెలీదు.. ఆయన స్పీచ్ ఇచ్చే టైంకి మేం అక్కడ లేం.. ఉంటే.. మధ్యలోనే ఆ స్పీచ్ను ఆపేసేవాళ్లంటూ వివరణ ఇచ్చుకున్నాడు.
లైలా మూవీ ఈవెంట్ వివాదం – అసలు ఏం జరిగింది?
లైలా సినిమా ప్రీ-రిలీజ్ ఈవెంట్లో కమెడియన్ పృథ్వీ చేసిన వ్యాఖ్యలు పెద్ద వివాదానికి దారి తీశాయి. 11 నంబర్ అంశాన్ని ప్రస్తావించి ఆయన చేసిన రచ్చ వైసీపీ శ్రేణులను ఆగ్రహానికి గురిచేసింది.వైసీపీ శ్రేణుల
పృథ్వీ వ్యాఖ్యలను ఖండిస్తూ వైసీపీ అనుబంధ వ్యక్తులు లైలా మూవీపై బహిష్కరణ ప్రకటనలు చేశారు.
నిర్మాతలు జాగ్రత్త వహించాలి
రాజకీయం, సినిమా రంగాలు ఒకటిగా చూడకూడదు.. రాజకీయాల్లో ఉంటూ సినిమాలు చేసే నటీ నటులు సినిమా వేదికలపై రాజకీయాలు చేయకూడదు.. ఇలాంటి వారి విషయంలో నిర్మాతలు జాగ్రత్త వహించాలి.. నటించిన వారి నోటి దూలకు సినిమాలకు సమస్య రావడం దారుణం.. సినిమాను సినిమాగా చూడండి..అంటూ లైలా టీంకు ఆల్ ది బెస్ట్ తెలిపాడు బండ్ల గణేష్.
