Chandrababu Naidu : ఏపీలో మహిళలకు ఉచిత బస్సు ప్రయాణంపై చంద్రబాబు స్పష్టత

ఆంధ్రప్రదేశ్ మహిళల కోసం ముఖ్యమంత్రి చంద్రబాబు (Chandrababu Naidu) శుభవార్త చెప్పారు. త్వరలో ఉచిత బస్సు ప్రయాణ పథకాన్ని ప్రారంభించనున్నట్లు ఆయన ప్రకటించారు. ఈ పథకం ఆగస్టు 15 నుంచి అమల్లోకి రానుంది (This scheme will come into effect from August 15).ఈ పథకం రాష్ట్రవ్యాప్తంగా అమలవుతుందనుకొని భ్రమపడకండి. ఉచిత బస్సు ప్రయాణం ఒక్క జిల్లా పరిధిలో మాత్రమే వర్తిస్తుందని సీఎం స్పష్టంగా తెలిపారు. అంటే, ఒక మహిళ తన జిల్లా హద్దుల్లోనే ఉచితంగా ప్రయాణించగలదు. ఇతర జిల్లాలకు వెళ్ళాలంటే ప్రయాణ చార్జీలు చెల్లించాల్సి ఉంటుంది.

సూపర్ సిక్స్ హామీల అమలు ప్రారంభం

శ్రీశైలంలో సున్నిపెంటలో ఏర్పాటు చేసిన బహిరంగ సభలో చంద్రబాబు మాట్లాడుతూ, ఎన్నికల సమయంలో ఇచ్చిన ‘సూపర్ సిక్స్’ హామీలను తప్పకుండా నెరవేరుస్తామని హామీ ఇచ్చారు. సంక్షేమం, అభివృద్ధి తమ ప్రభుత్వానికి రెండు కళ్లులా ఉన్నాయని స్పష్టం చేశారు.

పింఛన్ల పెంపుతో మొదటి అడుగు

ఆధ్యాత్మికంగా పవిత్రమైన శ్రీశైలంలో జరిగిన సభలో సీఎం మాట్లాడుతూ, తాము అధికారంలోకి వచ్చిన వెంటనే పింఛన్ మొత్తాన్ని భారీగా పెంచామని గుర్తు చేశారు. గత ప్రభుత్వం ఐదేళ్లలో ఇచ్చిన పెంపు తాము ఒక్క రోజులోనే ఇచ్చామని చెప్పారు. ఇది తమ సంకల్పానికి నిదర్శనమని వివరించారు.

రాయలసీమ అభివృద్ధికి బ్లూ ప్రింట్ సిద్ధం

రాయలసీమ అభివృద్ధిపై సీఎం ప్రత్యేక దృష్టి పెట్టారు. గోదావరి నీటిని బనకచర్ల వరకు తరలించేందుకు చర్యలు తీసుకుంటామని అన్నారు. ఇలా చేస్తే రాయలసీమలో ఎప్పటికీ కరువు ఉండదని నమ్మకం వ్యక్తం చేశారు. పోలవరం ప్రాజెక్టు రాష్ట్ర భవిష్యత్తుకు జీవనాధారంగా నిలుస్తుందని తెలిపారు.