పోలవరం ప్రాజెక్టు ఆంధ్రప్రదేశ్కు జీవనాడి అని ముఖ్యమంత్రి నారా చంద్రబాబు నాయుడు మరోసారి స్పష్టం చేశారు. ఢిల్లీలో కేంద్ర జలశక్తి మంత్రి సీఆర్ పాటిల్తో జరిగిన భేటీలో పోలవరానికి (polavaram) సంబంధించి కీలక డిమాండ్లు వినిపించారు. ప్రాజెక్టుపై ఉన్న స్టాప్ వర్క్ ఆర్డర్ను శాశ్వతంగా ఎత్తేయాలని కోరారు. నిర్మాణం నిరాటంకంగా కొనసాగాలంటే అదనంగా రూ.32 వేల కోట్లు మంజూరు చేయాలని విజ్ఞప్తి చేశారు. పోలవరం పూర్తైతే రాష్ట్ర వ్యవసాయం, త్రాగునీటి అవసరాలకు శాశ్వత పరిష్కారం లభిస్తుందని వివరించారు.
Read also: YSRCP Leaders: పిన్నెల్లి సోదరులను పరామర్శించిన వైసీపీ నేతలు
నల్లమల సాగర్ పై కీలక విజ్ఞప్తులు
పోలవరంతో పాటు నల్లమల సాగర్ ప్రాజెక్టుకు కేంద్ర అనుమతులు, నిధులు ఇవ్వాలని సీఎం కోరారు. ఈ ప్రాజెక్టు ద్వారా రాయలసీమ ప్రాంతానికి సాగునీరు అందే అవకాశముందని వివరించారు. అలాగే ఆంధ్రప్రదేశ్ – ఒడిశా మధ్య వంశధార నదీ జల వివాదాన్ని త్వరగా పరిష్కరించాలని కేంద్రాన్ని కోరారు. నీటి వివాదాలు కొనసాగితే రాష్ట్ర అభివృద్ధి తీవ్రంగా దెబ్బతింటుందని ఆయన స్పష్టం చేశారు. కేంద్రం చొరవ తీసుకుని న్యాయమైన నిర్ణయం తీసుకోవాలని విజ్ఞప్తి చేశారు.
ఆల్మట్టి డ్యామ్ ఎత్తు పెంపుపై అభ్యంతరం
కృష్ణా నదిపై కర్ణాటక చేపడుతున్న ఆల్మట్టి డ్యామ్ ఎత్తు పెంపు పనులు ఆంధ్రప్రదేశ్కు తీవ్ర నష్టం కలిగిస్తాయని సీఎం తెలిపారు. ఈ చర్యల వల్ల దిగువ రాష్ట్రాల హక్కులు దెబ్బతింటాయని కేంద్రం దృష్టికి తీసుకెళ్లారు. రాష్ట్రాల మధ్య నీటి వివాదాలు పెరగకుండా తక్షణమే జోక్యం చేసుకోవాలని కోరారు. కృష్ణా జలాలపై ఏపీకి ఉన్న న్యాయ హక్కులను కాపాడాలని విజ్ఞప్తి చేశారు. కేంద్ర సహకారంతోనే సమస్యలకు శాశ్వత పరిష్కారం సాధ్యమని చంద్రబాబు తెలిపారు.
Read hindi news: hindi.vaartha.com
Epaper: epaper.vaartha.com
Read Also:
